Step 2 – Arkan e Islam (Day 16)

JIN BATON SY ROZA NAI TOUT’TA

1. Roza daar bhoul kar kuch kha pee ly tou ous ka roza nai tout’ta khaw aik luqma khaye ya pait bhar k kha ly.

2. Rozy mein thook nigalny sy chahy wo balghami ho roza nai tout’ta.

3. chouty bachy ko apny munh sy chaba kr khilany sy roza nai tout’ta, magar ashad zaroorat k bina aisa krna makrooh hy.

4. salan waghaira zaban sy chakh kr thook dainy sy roza nai tout’ta lakin agar shohar bad mizaj na ho tou aisa krna makrooh hy.

5. Surma lagany sy roza nai tout’ta. Is tarah khushboo lagana ya sounghna ya aankhon mein dwaai daalny sy roza nai touty ga agarchy dwaai ka zaaiqa halq mein bhe aa jaye.

6. Nahaty huy kaan mein paani chaly jany sy roza nai tout’ta k yeh aik ghair ikhtiyari amal hy.

7. Miswak sy roza nai touty ga khaw khushk ho ya taazi… agar neem k darakht ki miswak hy or ous ka karwa pan munh mein maloom hota hy tab bhe makrooh nai.
Miswak ka raisha itfaqn halq sy outar jaye tou bhe roza nai tout’ta.
Msg 2

8. Rozy ki halat mein lipstick lagany sy roza nai tout’ta lakin agar munh k andr pohanchny ka khatra ho tou makrooh hy.

9. Kisi qism ka injection khaw wo gosht mein lagy ya vein mein roza nai tout’ta. Yahan tak k agar tibi zaroorat sy gulocose ki bottle lagwai jaye tab bhe nai touty ga lakin mehz rozy ki mushaqat kam krny k leay glucose ki bottle nai lagwani chahiye.

10. Khoon dainy ya lagwany sy roza nai tout’ta.

11. Garmi ki wajah sy munh khush ho jany par rozadaar munh mein paani ly k munh tar kr k phaink dy tou roza nai touty ga.


JIN WAJOOHAT MEIN ROZA NA RAKHNA JAAIZ HY

1. Aisi bimari k jis mein roza nuqsan krta ho or dar ho k agar roza rakha toy bimari barrh jaye gi ya jaan jati rahy gi tou roza na rakhy or jab theek ho tou ous ki qaza kry.
lakin mehz apny khiyal sy roza chorna darust nai jab tk koe musalman doctor ya hakeem na kahy.

2. Bimari khatam ho gi lakin kamzori baqi hy or yeh guman k roza rakhny sy bimari phir loot aaye gi tou rozy ka na rakhna jaaiz hy magar baad mein is ki qaza daini ho gi.

3. Haamla or doodh pilany walny aourat ko apni ya bachy ki jaan ka khatra ho tou roza na rakhy baad mein mouqa mily tou qaza dy.

4. Agar koe shakhs safar mein ho tou bhe ous k leay roza na rakhna jaaiz hy laikin agar safar aaram deh ho tou aisy mein roza rakh laina behtar hy lakin agar na rakhy tou qaza dy.

5. Haiz o nafaas ki halat mein roza rakhna jaaiz nai.



 

EXERCISE QUESTIONS

MCQ’s /5

1. Rozae mae _____ nighalna jaiz hy.
a) Thook
b) Khana
c) Panii

2._____ laganae sy roza nhe tootata.
a) Surma
b) Lipstick
c) Donon

3. Naak aur _____ mae pani chalae janae sy roza nhe tootata.
a) Kaan
b) Moonh
c) Donon

4. Haiz o nafaas ke halat mae roza rakhna _____ hy.
a) Jaiz
b) Na jaiz
c) Farz

5. _____ dene ya lagwanae sy roza nhe tootata.
a) Khoon
b) Pani
c) Khana

Fill in the blanks /5

1. Roza daar _____ kar kuch kha pee lae tau roza nhe tootata.
2. Chotae bachae ko apnae moonh sy _____ kar khilanae sy roza nhe tootata.
3. _____ karnae sy roza nhe tootata.
4. Agar koi shakhs _____ mae ho tau us ky liye roza na rakhna jaiz hy.
5. Lipstick ka agar moonh ke andar janae ka khatra ho tau _____ hy.

True/False /5

1. Beemari ke halat mae bhi roza rakhna farz hy.
2. Salan waghira chakh kar thook dene sy roza toot jata hy.
3. Kisi qisam ka injection lagnae sy roza nhe tootata.
4. Miswaak ka raesha halak sy utar jae tau roza toot jata hy.
5. Rozae ke mushakat kam karnae ky liye Glucose ke bottle lagwa saktae hain.

Short Answer Questions /15

1. 2 aise situations btaein jin mae roza na rakhna jaiz hy.

2. Kon kon sy amal rozae ky doran karna makrooh hy?

3. Garme ke wajah sy moonh khushk ho jae tau kya karna jaiz hy?

4. In mae sy konsy points ap pehlae nhe jantae thae?

5. Aaj ke maloomat ky barae mae kis kis ko aur kis point par targheeb de ?


 

 

ANSWER SHEET

MCQ’s

1. (a)
2. (c)
3. (a)
4. (b)
5. (a)

Fill in the Blanks

1. Bhool
2. Chaba
3. Miswaak
4. Safar
5. Makrooh

True/False

1. ✖
2. ✖
3. ✔
4. ✖
5. ✖

Short Answer Questions

1. In mae sy koi sy 2 situations:
?Safar ky doran
?Beemari mae
?Beemari khattam honae par kamzori ka reh jana jis sy beemari ky lout aanae ka dar ho
?Haiz o Nafaas ke halat mae
?Hamla ya doodh peelanae wale aurat ko apni ya bachae ke jaan ka khatra ho

2. Lipstick ka moonh ky andar janae ka dar agar ho tau lipstick lagana makrooh hy…
Shohar agar badmizaaj na ho tau rozae ke halat mae salan ka chakhna makrooh hy…

3. Moonh mae pani lae kar moonh tar kar ky phaenk dena jaiz hy.

4. Yeh har aik ka apna jawab ho ga.

5. Yeh har aik ka apna jawab ho ga.


 


Warning: count(): Parameter must be an array or an object that implements Countable in /home/bano/public_html/working/wp-includes/class-wp-comment-query.php on line 399

Leave a Reply

Your email address will not be published. Required fields are marked *