Step 2 – Hkr k liay Messages

*Harawal Dasta 1*

 *2nd Step*
“~* Ihsaas *~”

” Samee “
*Allah soun raha hy*

” Baseer “
*Allah daikh raha hy*

 ●Is Ihsas ko ziada sy ziada apnay dil mein jagaey rakhna hy…
●or daily routine mein sy kam az kam koe sy 2 moamlaat…
●ya mamolaat mein…
jis waqt bhe aap ko Allah ka yeh ihsas…
kuch bhe ghalat karnay sy rokay…..
●ya kuch bhe acha karnay ke taraf raaghib karay tou wo aap ny share krna hy…

*Note*
● Daily total 4 points bhejnay hein…
●2 points Allah soun raha hy ihsaas k..

●2 points Allah daikh raha hy ihsaas k…
Dil sy dua :)


 

“Sample Msgz”

● SAMEE

Point : 1
Main namaz pabandi sy ada karnay ki koshish kerti hon…..
Main namaz nisbatan taizi or jaldi say parhti hon jis mein aksar ilfaz bhe puray ada nai kar pati……
Aaj aisy he namaz k doran bohat shiddat sy ehsas hoa k main ALLAH k samnay paish hon or main jo taizi say adhoray adhoray ilfaz main ALLAH say batein ki hein…..
tou wo jo har lamha mjhy soun raha hy Oss ko mera aisa karna acha nai lag rahha ho ga…
Yeh ehsas hotay he main bohat araam or piyaar say ilfaz ada karny lagi jis say mujhy namaz ada karnay mein bhe lutf aany laga k Allah soun raha hy.


 

SAMEE

Point : 2

Aaj koi baat krtay hoay aik un known shakhs ki recently sunni hoe baat ka mazaq urranay laga…
Kion k aaj he baat pata chali thee or thee bhe boht ajeeb se…
Magar ous ki baat krnay say pehly he khiyal aa geya k woh shakhs nai soun raha par Allah tou soun rahay hy naa…
Or Allah ko tou bilkul bhi pasand nai aaye ga k Oss k banday ki burai karna.
Main waheen rouk geya or os baat ka phir zikar he nai keya k…
Mera Malik toe soun raha hy na, Allah k Samee hony k ehsas ny mujhy is ghalat amal sy rok leya.


 

●BASEER

Point : 1

Aaj bartan dhoty hoay mujh say plate tout gai jo k new dinner set ki thee…..
Main ny ami ki daant say bachnay k leay wo plate kooray main phaink di….
Or ami k pochnay par saaf inkar kar deya …..
Kuch dair baad mujhy ehsas hoa k main ny beshak ami ki daant say bachnay k leay ami say nazar bacha kar ousy phaink deya ami ko to pata nai chala…..
lakin ALLAH to daikh raha tha….
Oss ki nazron say to nai bach saki……
Is ehsas say mujhy bohat sharmindagi hoe or ami ko sach bata deya k mujh sy plate tout gai hy.


 

BASEER

Point : 2
Sham ko ami ny sab k leay fruit chat banai. Main tution say wapis aaei tou ami ny kaha k tumhary or bhai k leay fruit chat fridge mein pari hy. …..
Main ny apnay leay chat daali to nisbatan ziyada daal li or bhai k leay km rakhi k ousy keya pata chalay ga.
Abhi pehla he chamach khany lagi thee k ehsas hoa k bhai ko tou nai pata na he wo daikh raha hy lakin ALLAH tou daikh raha hy k main ny ghalat kaam keya hy…..
ALLAH k Baseer hony k ehsas ny mujhy aisa karny say roka or main nay apni plate mein say zaid hissa bhai ki plate mein nikal kar rakh deya….
or mazay say chat khany lagi.

 

Dil sy dua :)


Warning: count(): Parameter must be an array or an object that implements Countable in /home/bano/public_html/working/wp-includes/class-wp-comment-query.php on line 399

Leave a Reply

Your email address will not be published. Required fields are marked *