*~*Step 2 Krwany K Maqasid*~*
1. Harawal Dasta k doosry Step ka naam “Ihsas” hy.
Allah mujasim nai hy. Allah ihsas ke soorat mein dil mein outarta hy or dil mein Allah k ihsas ka hona hamaray ihsas, , soch or amal ko Allah ke khushi k tabay karta ja raha hota hy.
2. Is step ka karnay ka maqsad dil mein Allah k Samee o Baseer hony k ihsas ko youn baidar karna hy k ham kuch acha karnay ke taraf maayl hon or kuch bura chornay par majboor ho jaein k Allah soun or daikh raha hy or youn hamaray roz marra k mamoolat or moamlat mein sirf zabani kalami he nai balkay amllan tabdeeli aaye gi…
3. Is step ko karwanay ka maqsad Allah k Samee o Baseer honay k ihsas ko dil mein outar kar yeh yaqeen pukhta karna hy k Allah hamaray kisi ihsas or soch sy be khabar nai or hamara koe amal bhe Oss sy posheeda nai.
Yeh yaqeen ke pukhtagi k Allah har lamha hamein daikh or soun raha hy hamaray ihsas, soch or amal mein tabdeeli laa kar roz marra routine k mamoolat or moamlat ko Allah k ehkam k tabay karti jati hy.
4. Is step ko karwanay ka maqsad har lamha Allah k soun’nay or Allah ke nazar mein honay ka ihsas dil mein outar kar Allah sy qurbat or muhabat k level ko barhana hy ta k ham din bhar dil ka Allah k sath mazboot rabta bana kar apnay badaltay ihsasaat ko share karein.
5. Is step ko karwanay ka maqsad Allah k Samee o Baseer honay k ihsas ko youn baidar karna hy k yeh sirf chand dino k leay he nai balkay hamari roz marra zindgi k mamolaat or moamlat mein Allah k Samee o Baseer honay ka ihsas hamysha k leay rasikh hota jaye.