Step : 7+8+9 – (Day 66)


 

“Piary Aaqa S.A.WW Ke Hayat E Tayyba”

“Piary Aaqa S.A.WW ke Panjtan Pak sy Muhabat”

+
” Piary Aaqa S.A.WW Ke Ummat Sy Muhabat” 

+

“Piary Aaqa S.A.WW ke Apny Habib S.AWW sy Muhabat”


*~Piary Aaqa S.A.WW ke Panjtan Pak 

or
Panjtan Pak ke Piary Aaqa S.A.WW sy muhabat~*

Piary Aaqa S.A.WW ko apni oulaad mein Hazrat Fatima r.a sy sub sy ziada muhabat thee.
Aap S.A.WW safar par tashref ly jaty tou apni piari briti sy mil kar jaty or wapis aaty tou bhe sub sy pehly piari beiti sy milty or phir azwaaj e mutahiraat k pass jaty.
Hazrat Fatima r.a jab bhe Aap S.A.WW ke baargah mein tashreef laatein Aap S.A.WW khary ho kr istaqbaal frmaty, bosa daity or apni jagah par bithaty.
Hazoor S.A.WW bhe jab apni piari beiti k haan tashreef ly jaty tou wo bhe aisy he krteein.
Aap S.A.WW ko Hazrat Fatima ke oulaad mein sy Hazrat Imam Hassan r.a or Hazrat Imam Hussain r.a sy bohat muhabat the.
Msg 2

Aap S.A.WW ko Hazrat Ali r.a sy bhe bohat muhabat thee.
Hazrat Data Ganj Bakhsh r.a Kashaf al Mahjoob mein likhty hein k,
Eid k din Hazrat Imam Hussain r.a ny Hazoor S.A.WW ke baargaah mein arz keya k,
tamam bachon k pass swariyan hein or mery pass swari nai hy.
Aap S.A.WW ousi waqt zameen par ghutnon k bal tashreef farma hoay or Imam e Aali Maqam r.a ko apne pusht par bitha leya.
Ouno ny arz keya…
Bachon ke swari ke tou lagaam bhe hy.
Aap S.A WW ny surkh rang ka dhaga munh mein daal kr ous k siry dono taraf sy aap r.a ko pakra deay or kaha k is sy lagaam ka kaam lo phir Hazrat Imam Husaain r.a jis taraf dhaga khainchty Aap S.A WW ousi taraf murr jaty.
is sy Data sahib ny yeh nateeja nikala k Piary Aaqa S.A.WW ke marzi wohi hy jo Hazrat Hussain r.a ke hy.
Msg 3

Piary Aaqa S.A.WW Hazrat Imam Hassan r.a or Hazrat Imam Hussain r.a ko kandhon par outha kar Madeeny ke galion mein chalty tou log kehkty k Hassnain kitny khush naseeb hein k jin k hath Piary Aaqa S.A.WW ke paishani k sath lagy hein or paoun seena e Aqdas ko chou rahy hein.
Aik baar Aap S.A.WW Imam e Aali Maqaam a.s ko kandhy par swar kar k ja rahy thy k aik sahabi r.a ny kaha k kitni achi swari hy Aap S.A.WW ny famaya k swar bhe tou bohat acha hy.
Msg 4

Hazrat Imam Hassan r.a paida hoay tou Piary Aaqa S.A.WW apni baiti k ghar tashreef ly gy or Hazra Ali Murtaza a.s sy poucha k tum ny us frzand ka kia naam rakha hy.
Arz keya Ya Rasool Allah S.A.WW meri kia majaal hy k Aap S.A.WW k ijazat k bghair kaisy naam rakhein.
riwayat mein hy k Aap S.A.WW kuch dair khamosh rahy yaan tak k Jibreel a.s aaye or ouno ny arz keya k Allah kr taraf sy salam hy or Ossi ke taraf sy yeh paighaam hy k is farzand ka naam Hassan rakha jaye tou Piary Aaqa S.A WW ny apny nawasy ka naam Hassan rakha.
Msg 5

Aap S.A.WW jab bimaar thy tou Hazrat Fatima r.a bohat pryshan or dukhi theein.
Aap S.A.WW ny oun k kaan mein kuch kaha tou pehly wo hans parein phir rony lagein logon ny daryaft keya tou Aap r.a ny farmaya k Piary Baba Jan ny farmaya k tum sub sy pehly aa kar mujhy sy milo gi or baad mein aisa he hoa Aap S.A.WW k vassal k kuch maheeno baad aap r.a ka bhe vassal ho geya.
Msg 6


 

*~Piary Aaqa S.A.WW ke Ummat Sy Muhabat~* 

Allah Ta’ala ny Piary Aaqa S.A.WW k bary mein farmya,
“Or hum ny Tum ko Rehmat bana kar bheija sary jahan k leay”
Aap S.A.WW na sirf ummat k leay balky taman makhlooqat k leay rehmat bana kr bheija geya.
Allah ny sorat Toaba aayt 28 mein farmaya,
Tarjuma:-
Beshak tumhari traf Rasool bheija hy tum mein sy, tumhari takleef ous par bohat bhari ghuzarti hy, or behtri k leay bohat harees hy wo emaan walon par shafqat rakhny wala meharban hy”
Is mein ummat ko btaya geya hy k Aap S.A.WW ummat ke takleef bardasht nai kar sakty thy.
Msg 7

Aap S.A.WW apni ummat sy itni muhabat farmaty k oun ko yeh khawaish rehti k ummat hidayat k raasty par aa jaye or Aap S.A.WW ummat k leay Raouf o Raheem hein.
Aap S.A.WW ny ummat ke hidayat k leay bohat mushkilein bardasht keein magar sakht sy sakht museebat mein bhe bad dua na ke balky hidayat ke dua ke.
Msg 8

Jis roz aandhi ya aasman par badal hoty tou Aap S.A.WW k chehra mubarik par gham or fikar k aasar numayan hoty or kabhe aagy barhty kabhe peechy daikhty.
Jab barish ho jati tou Aap S.A.WW khush ho jaty.
Hazrat Ayesha r.a ny is ka sabab daryaft keya tou Aap S.A.WW ny farmaya k kaheein qoum Aad ke tarah meri ummat par azaab musalt na kar deya jaye.
Msg 9

Umro Bin Al’aas ka biyan hy k Aap S.A.WW ny dono hath outha kar youn dua farmaei,
“Kudaya..
meri ummat, meri ummat or roo pary”
Allah ny Hazrat Jibrel a.s ko hukm deya k (Muhammad) k pass jao or Oun sy rony ka sabab daryaft kro.
Hazrat Jibrel a.s ny hazir khidmat ho kar sabab daryaft keya tou Aap S.A.WW ny bta deya.
Allah ny hukm deya,
Aey jibreel a.s (Muhammad) k pass jao or oun sy keh do k hum Aap S..A.WW ko ummat k bary razi karain gy or ghamgeen na krain gy.
Msg 10

Aap S.A.WW ny aik dafa 3 raat tak namaz e taraveeh apny ashaab r.a ko parhai. chouthi raat sahaba r.a intazar karty rahy.
Aap S.A.WW ny farnaya,
Tumhara yaha jama hona mujh sy pisheeda na tha lakin Main dar geya k kaheein tum par yeh farz na ho jaye or tum ada karny sy aajiz aa jao.
Mairaaj sharif mein Aap S.A.WW Qaab e Qousain mein pohanchy tou Allah ke taraf sy Aap S.A WW par youn salam bheija geya…
Msg 11

Tarjuma:-
Aey Nabi..!!!
“Tum par salam Allah ke rehmat or barkat ho”
is k jwab mein Aap S.A.WW ny arz keya salam hum par or Allah k naik bandon par.
Hazrat Jabir r.a riwayat karty hein k Aap S.A.WW ny farmaya k,
“meri ummat ka haal ous shakhs ke tarah hy k jis ny aag roshan ke ho or ous mein tidiyan or parwany girny lagein or wo oun ko hatata ho.
Pas mein kamar sy pakar kr ummat ko aag sy bachany wala hon or tum mery hath sy chout’ty ho or gir jaty ho”
Msg 12


 

*~Allah Ke Piary Habib S.A.WW sy Muhabat~*

Piary Aaqa S.A.WW Allah k piary Habib hein.
Quran e pak mein Allah ny ja baja hukm deya hy k,
Allah ke ita’at karo or Oss k Rasool S.A.WW ke ita’at kro.
Sorat Kehaf mein Allah ny farnaya,
“Tum kaheein apni jan ko round dalo gy oun k peechy agar wo na many, pachta pachta kar”
Allah ka Aap S.A.WW ka logon k leay pryshan hona acha nai lagta tha yaha apni muhabat ka izhar is tarah keya k agar yeh log emaan nai laaty tou tum pryshan na hona.
Msg 13

Is tarah sorat Toaba mein farmaya,
“agar wo munh morr lain tou Tum kehna mery leay Allah kafi hy or kisi ke bandgi nai ous k siwa, or Ossi par mera bharosa hy or Wo arsh e azeem ka malik hy”
Is mein Allah bohat piar sy apny Habib S.A.WW sy farmaty hein k Aap S.A.WW tableegh kar rahy hein or jin logon ko seedha raasta dikha rahy hein, agar yeh log haq ko janty hoay bhe Aap S.A.WW ke taraf sy munh morr lain tou Aap S.A.WW paryshan na hon.
Msg 14

Allah apny Habib S.A.WW ko farmata hy,
“Tum keh do k mery leay Alla kafi hy or Oss k siwa koe ibadat k laaiq nai or yeh bhe keh do k mera tou bharosa Allah par hy”
Goya k emaan laany walon ke kami ya ziadati Aap S.A.WW k leay pryshani ka baes na bany balky tasali di ja rahe hy k Main (Allah) Aap (Rasool) S.A WW k leay kafi hon. Is sy Allah ke Aap S.A.WW sy muhabat ka izhar hota hy.
Msg 15

Hazrat Eissa a.s. Allah k bohat piary Nabi or Saleem Ullah, Allah sy dua farmaty hein k,
“Aey Allah mera seena khol dy or mery kaam darust farma yani (assan farma)”.
Sorat Alam Nashraah mein Allah apny Habib S.A.WW sy muhabat ka izhar is tarah farmaty hein,
“Hum ny khola Tera seena or utara Tujh sy bojh jis ny Teri kamar ko jhuka deya buland kar deya hum ny Tery zikar ko”
or phir isi sorat mein aagy Allah farmata hy or tasali dy raha hy k, har mushkil k baad aasani hy or har mushkil k baad aasani hy.
Msg 16

Apny Habib S.A.W.W ko tasali daina Allah ke muhabat ka izhar hy.
Allah mairaaj shareef k bary mein quran mein farmata hy,
ISRAA BE ABDEHI
Yani apny bandy ko mairaaj par bulaya.
Banda jism or rooh k majmouy ka naam hy.
Dunia ka khairat angaiz waqiya hy k aik banda jism or rooh ka majmoua arsh par bulaya geya, bistar jo garam tha wapsi tak garam raha or…
Msg 17

or darwazy ke kundi bhe wapsi tak hilti rahe yeh Allah ke muhabat ke inteha hy k Aap S.A.WW ko behishtein or jannatein dikhaei gaeein, nabion ke imamat farmaei gi, arsh par mulaqaat ke gi, lakin duniya mein waqt tham chuka tha or pal bhar mein wapis tashreef ly aaye.
kisi Nabi ko is tarah arsh par nai bulaya geya.
Piary Aaqa S.A WW k leay Allah ke muhabat ka yeh andaaz aqlon ko hairaan keay hoay hy.
End



 

 

EXERCISE QUESTIONS

MCQ’s

1. Aap S.A.WW koz bohat ziada muhabat thee,
a. Hazrat Imam Hasaan r.a sy
b. Hazrat Imam Hussain r.a sy
c. dono sy

2. Aap S.A.WW
bardasht na karty thy ummat ke,
a. khushi
b. takleef
c. bimari

3. Sorat Alam Nashraah mein Allah farmata hy, har mushkil k baad,
a. pryshani
b. dukh
c. aasani

4. Mairaaj ka safar duniya ka,
a. dilchasp safar hy
b. khairat angaiz safar hy
c. aam safar hy

5. Aap S.A.WW khush ho jaty jab aasman par,
a. badal hoty
b. aandhi aati
c. sitary hoty

Fill in the blanks /5 

1. Aap S.A.WW ny surkh dhaga ___ mein daal leya.
2. Aap S.A.WW ummat k leay ___ or ___ thy.
3. Aap S.A.WW ny kabhe ummat k leay ___ na ke.
4. Miraaj sharif k bary Allah ny quran mein ___ farmaya.
5. Aap S.A.WW ko Hazrat ___ or ___ sy bohat muhabat thee.

True / False /5 

1. Aap S.A.WW Hazrat Imam Hasaan r.a or Hazrat Imam Hussain r.a ko kandhon par swar kar laity thy.
2. Aap S.A.WW k vassal k baad Hazrat Fatima r.a lamba arsa tak zinda raheein.
3. Mairaaj k safar sy wapsi tak darwazy ke kundi hilti rahe.
4. Hazrat Imam Hassan r.a jis taraf dhaga khainchty Aap S.A.WW ousi taraf murr jaty.
5. Aap S.A.WW apni ummat ke behtri k leay bohat harees thy.

Short Question / Answers /15

1. Piary Aaqa S.A.WW ke panjtan pak sy mohabat ko apny lafzon mein mukhtasiran biyan krain?
2. Aap S.A.WW ko apni ummat k bary mein kis baat ka dar tha?
3. Allah ny Hazrat Jibreel a.s k zariye Piary Aaqa S.A.WW ko ummat k bary kia paighaam deya?
4. Mairaaj k safar mein Aap S.A.WW ko kia kia dikhaya geya?
5. Namaz e taraveeh k bary mein Aap S.A.WW ny Sahaba r.a sy keya farmaya?
End


 

ANSWER SHEET

MCQ’s /5

1. (c)
2. (b)
3. (c)
4. (b)
5. (a)

Fill in the blanks /5

1. munh
2. Raouf / Raheem
3. bad dua
4. Israa Beabdehi
5. Hazrat Imam Hassan r.a / Hazrat Imam Hussain r.a

True / False 

1. ✔
2. ✖
3. ✔
4. ✔
5. ✔

Short Answers

A1. yeh sub ka apna jwab ho ga?

A2. Aap S.A.WW ny farmaya k,
“kaheein qoum Aad ke tarah meri ummat par azaab musalat na ho jaye”

A3. Allah ny farmaya… “keh do k hum Aap S.A.WW ko ummat k bary razi krain gy or ghamgeen na krain gy”

A4. Aap S.A.WW ko behishtein or jannatein dikhaei gaeein, nabion ke imamat farmaei gi, arsh par mulaqaat ke gi.

A5. Aap S.A.WW ny farnaya,
Tumhara yaha jama hona mujh sy posheeda na tha lakin Main dar geya k kaheein tum par yeh farz na ho jaye or tum ada karny sy aajiz aa jao.
End


 


Warning: count(): Parameter must be an array or an object that implements Countable in /home/bano/public_html/working/wp-includes/class-wp-comment-query.php on line 399

Leave a Reply

Your email address will not be published. Required fields are marked *