Tip # 2 : Ishq mein aashiq kisi aik par kharra ho jata hy

“Tip 2”
Ishq mein aashiq kisi aik par kharra ho jata hy…

Ab yehi kafi nahi k aashiq start mein aik par kharra ho k ishq mein aageya… tou ab os k leay aasani ho gae k os ny aik par kharra ho k dikha deya…
Jaisay kabhe1st aajana itna mushkil nahi jitna k apne 1st position ko barqaraar rakhna mushkil or mehnat takab kaam hy…
Aisay he ishq mein bhe aashiq ko aik par kharra ho janay k baad… osi aik ko apnay andar sy mazbooti sy pakrray rakhna hota hy.
Outhtay beithtay, chaltay phirtay, sotay jaagtay, khatay peetay ya baatein kartay… apne zindagi ke bazaahir chalti kisi tara ke routine mein bhe aashiq ny dil sy Mashooq ko pakrray rakhna hota hy… yani har dharrkan mein Yaad E Mashooq dharrkay… Or agar kisi lamhay dil… Mehway Khiyaal E Yaar ya Mehway Tasawur E Yaar sy ghaafil ho tou khud ko tab tak maaf na karein jab tak dil par churri chala k kuch aisa out of the way na kar lain, jisay karna aam halaat mein bohat mushkil lagta ho…
Dil ka aik sy ghaafi hona… ishq mein kisi bhe aashiq k leay jurm e azeem samjha jata hy… or aashiq is jurm ke saza khud he apnay aap ko daita hy… kion k ishq depend he dil par karta hy or agar dil he ghaafil ho jaey tou wohi baat hoe na k..
Ik dam ghaafil
So dam kaafir
Yani aik dam ke ghaflat hoe tou samjho k wo dam inkaari tha k main aahiq hon or mere dil mein Mashooq dharrkan ban k dharrkta hy.
Or agar main kahon tou ghaafil dharrkan k baad khud ko aashiq na kehna.. ishq ka kalma parrh k dobara aashiq ban’na ho ga.
Aap aashiq ho na tou aap k khiyal mein ishq ka kalma kia hona chahiye…???
Ishq Salamat:-)

Leave a Reply

Your email address will not be published. Required fields are marked *