*~*Koufa mein Hazrat Muslim Bin Aqeel r.a ka Walehana istakbaal*~*
Hazrat Muslim Bin Aqeel r.a apnay kuch sathioo or 2 baiton ko jo k Aap ko bohat piyaray thay… in ko sath ly kar koufa rawana huay.
Aap ny koufa pohanch kar Mukhtaar Bin Ubaid Saqfi r.a k makaan par qayaam farmaya.
Koufa k sheeyaan e Ali ny Aap r.a ka shaan daar istaqbaal keya or Hazrat Imam Hussain r.a k numainda k toar par jouq dar jouq Aap r.a k hath par bait karny lagay.
Yahan tak k pehlay he din 12000 afraad ny Hazrat Muslim Bin Aqeel r.a k hath par Hazrat Imam Hussain r.a k haq mein bait kar le… phir is taadaad mein izafa hota geya… hat’ta k in ke taadaaf 18000 tak pohanch gae.
Aap ny logon k shouq, aqeedat, mohabbat , josh o walwala daikh kar Hazrat Imam Hussain r.a ko khat likh deya k Bhai Hussain…!
Halaat dawat e haq or amar bil maroof or nahen aa’nil munkir k leay saaz gaar hain… Aap bila ta’amil or bila jhijhak tashreef ly aain.