“~*Shaaor E Ramzan*~”
“Maghfirat ka Maheena”
Mosamon mein aik Bahaar ka mosam bhi hota hy. Jab wo mosam aata hy tou har traf sabza hi sabza nazar aata hy, phool hi phool nazar aatay hein. In ki khushboo sy Fiza moatar ho jati hy. Yun lagta hy k Ramzan ul Mubarik ka Maheena Maghfirat ka mosam hy. Is mein Allah Banday ki maghfirat ka manzar sajatay Hein.
Roza rakhnay Walay k leay Pani k andar Machliyaan,bilon k andar chiuntiyan or hawa k andar parinday maghfirat ki duaen mangtay hein. Rozadaar Admi Allah Rab ul Izat ko itna pasand hy k is ka sona bhi ibadat hy. Jab Wo sans laita hy tou usay Allah Ta’ala ka zikar krnay ka ajar o sawab deya jata hy. Or aftari k waqt Rozadaar ki dua Qabool hoti hy. Is maheenay mein Allah Ta’ala ki Maghfirat ki Intaha ho jati hy.
Hazor Nabi Akram S.A.WW Ny Irshad Farmaya…
” jis shaks ny Halat e Emaan mein Sawab ki niyat sy Roza rakha is k aglay peechlay tamam gunah maaf kr

…deay jatay hein”
Madina Taiba k Qareeb aik qabeela Bani Qalb nami rehta tha… Jo bhair bakriyaan palnay mein bara mash’hor tha. Is Qabeela k har ghar k log bakreyaan paltay thay. Kisi k pas 500 bakriyaan kisi k pas Hazar kisi k pas 2 hazar….
Har ghar k logon k pas senkaron ya hazaron bakriyaan hoti theen. Jab bakriyaan charnay k leay nikalteen tou wo paharoon k darmiyaan jitni wadi hoti is ko wo bhar deya krti theen…
Hazor Nabi Akram S.A.WW Ny is Qabeelay ka naam ly kr kaha k Bani Qalb ki bakriyon k jism per jitnay baal hein…
In Balon k barabar Allah Gunahgaron ko jahanum sy bari Farmatay Hein. Aik or Hadees mein Aaya hy k…
“Allah Rozana Aftar k waqt aisay 10 lakh admiyon ko jahanum sy khulasi Atta famatay hein jo jahanum k mustahik ho chukay thay.or jab Ramzan ka aakhri din hota hy tou 1 Ramzan sy ly kr aaj tak jitnay log jahanum sy aazad keay gaey us aik raat mein in k baqadar logon ko…
Jahanum sy khulasi naseeb farmatay Hein”
Ihsas Atta Ho