Step 5 – PIYARE AAQA S.A.W.W ki Hayat e Tayba (Day 59)

Hijrat E Madina

Quraish ke iza rasaniyon k baes musalmano ka Makkah mein rehna mushkil ho geya tou Piary Aaqa S.A WW ny apny ashab r a sy frmaya k hijrat kar k Madeena chaly jao, chunachy ashaab r.a mukhtalif dino mein chori chhupy Madeena pohanch gy.
Makkah mein Piary Aaqa S.A.WW k ilawa Hazrat Abu Bakar Siddique r.a, Hazrat Ali r.a or kuch bourhy or bimaar log reh gy. Hazrat Abu Bakar Siddiqe r.a ny hijrat kr ijazat maangi tou Aap S.A.WW ny farmaya k umeed hy mujhy hijrat ke ijazat mil jaye gi.
Hazrat Abu Bakar r.a ny arz ke…
Mery maan baap Aap S.A.WW par qurban main Aap S.A.WW ke hamraai k leay hazir hon….
Msg 2

Quraish ny jab daikha k Piary Aaqa S.A.WW k madadgaar Makkah sy bahir Madeena mein bhe hein or Makkah sy hijrat kar k jany walon ko ouno ny apni panah mein ly leya hy tou wo dary k kaheein aisa na ho k Aap S.A.WW bhe wahan chaly jaein or Madeena waly madad garon ko ly kar hum par hamla aawar hon is leay tamam sardaran e quraish Darul Nudwa mein mashwary k leay jama ho gy.
Sub sardaron ny mukhtalif raaye di magar ous par mutafiq na ho saky.
Abu jehal ny kaha k meri raaye hy k hum har qabeela sy aik aik dalair noujwan lain or oun ko aik aik talwar dain wo sub mil kar Piary Aaqa S.A.WW ko qatal kar dain is tarh jurm tamam qabaail par ho ga tou Abdul Munaaf ke oulaad tamam qabaail sy nai lar saky gi or wo khoon baha lainy par razi ho jaein gy.
sub ny kaha yeh raaye bohat darust hy, quraish e Makkah qatal par it’tafaaq e raaye kar k gharon ko lout gy.
Msg 3

Hazrat Jibreel a.s Allah ke taraf sy Aap S.A.WW ke khidmat mein hazir hoay or quraish k irady ke Aap S.A.WW ko itlaa di or arz keya k aaj raat Aap S.A.WW apny bistar par na soein.
Dopehar k waqt Aap S.A.WW Hazrat Abu Bakar Siddique r.a k pass tashreef ly gy, Aap S.A.WW ny farmaya k mujhy Hijrat ke ijazat mil gi hy.
Hazrat Abu Bakar r.a ny arz keya,
Ya Rasool Allah S.A.WW….
main Aap S.A.WW par qurban, main Aap S..A.WW ke hamraahi chahta hon Aap S.A.WW meri dou ountnion mein sy aik pasand farma lain.
Aap S.A.WW ny farmaya,
Main qeemat sy loun ga chunachy aisa he hoa.
Msg 4

Hazrat Ayesha r.a shadi k baad sy is waqt tak apny walid Hazrat Abu Bakar Siddiqe r.a k ghar he theein, wo fermati hein k hum ny safar ka saman jaldi sy tayar kar leya or aik kafir Abdullah Areeqt, jo raasty sy waqif tha rehmunmai k leay ujrat par rakh leya.
Dono ountniyan ous k sapurd kar deein.
Aik tehaai raat guzri thee k quraish e Makkah ny Aap S.A.WW k ghar ka mohasira kar leya ous waqt Aap S.A.WW k pass sirf Hazrat Ali r.a thay.
Quraish e Makkah itni sakht dushmani k bawajood apni amanatein Aap S.A.WW k pass rakhty thy, chunachy ab bhe Aap S.A.WW k pass amanatein mojoud theein.
Is leay Aap S.A.WW ny Hazrat Ali r.a sy farmaya….
Msg 5

Tum meri chadar ourh kar mery bistar par soo raho, tumy koe takleef na ho gi.
Hazrat Ali r.a farmaty hein k,
Aap S.A.WW ke is baat sy main sari raat pursakoon soya is tarah sakoon sy main sari zindagi na soya tha.
Hazrat Ali r.a sy Aap S.A.WW ny farmaya k, subah yeh amanatein wapis kar daina phir khak ke aik mutthi li or Sorat Yaseen ke shuru ke aayat sy ly kar FAHUM LA YUBSIRON tak parhty hoay kuffar par phaink di.
Aap r.a ko kisi ny na pehchana.
jab wo log andr dakhil hoay tou Hazrat Ali r.a ko daikh kar khiyal keya k Aap S.A.WW so rahy hein.
Raat ko wahan sy nikal kar Aap S.A.WW Hazrat Abu Bakar Siddique k ghar tashreef ly gy.
Rawana hoty waqt Aap S.A.WW ny frmaya…
Msg, 6

Aey Makkah…
Too pakeeza shehar hy, too mujhy bohat aziz hy agar Teri qoum mujhy na nikalti tou Main Teri jagah kaheein or sakoonat ikhtiyar na karta.
Aap S.A.WW or Hazrat Abu Bakar Siddique r.a Ghaar e Sour par pohanchy.
Hazrat Abu Bakar r.a ny Aap S.A.WW ko andr dakhil na hony deya k main pehly ghaar ko saaf kron ga, ghaar mein jharoo di, kuch souraakh apni shalwar phar kar band keay, aik sourakh baqi tha k aap r.a ny apna paoun aagy rakh deya or arz keya,
Ya Rasool Allah S.A.WW tashreef laaein.
Msg 7

Aap S.A.WW Siddiqe e Akbar ke goud mein sar rakh kar sou gy. Hazrat Abu Bakar r.a k paoun par saanp ny kaat leya magar aap r.a apni jagah sy na hily k Aap S..A.WW jaag na jaein.
Dard ke shiddat sy aap r.a ke aankhon sy aansoo jari ho gy jo Aap S.A.WW k chehra e mubarik par giry tou Aap S.A.WW ny farmaya,
Abu Bakar r.a tujhy kia hoa?
arz keya mujhy saanp ny kata hy.
Aap S.A.WW ny apna louab e dehan zakham par lagaya tou foran dard jata raha.
Ghaar e Sour mein teen raton ka qayam raha.
Hazrat Abu Bakar Siddique r.a k baity Abdullah r.a Aap S.A.WW k sath raat ghaar mein souty or subah shehar chaly jaty.
Msg 8

quraish jo mashwary karty shaam ko aa kar ous ke itlaa karty.
Hazrat Abu Bakar r.a ka ghulam Amir bin sagheera din bhar bakriyan charata or raat ko 2 bakriyan ghaar mein ly jata, oun ka doodh Aap S.A.WW or Hazrat Abu Bakar r.a k kaam aata.
Aamir munh andhairy bakriyan haank kar shehar ly jata taky Abdullah k naqsh e paa mit jaein.
Kuffar e Makkah Aap S.A.WW k paoun mubarik k nishan par chalty hoay ghaar e Sour k pass pohanchy tou wahan dahany par pohanchy tou wahan makri ny jala bun rakha tha or kabotri ny andy dy rakhy thy.
Ouno ny daikha or kaha k agar Wo yahan hoty tou makri ka jala na hota or kabotri andy na daiti.
Msg 9

Kuffar e Makkah ke aahat paa kar Hazrat Abu Bakar Siddiqe r.a ny arz ke,
Ya Rasool Allah S.A.WW….
agar in ke nazar apny paoun par par jaye tou hamein daikh lain gy. Aap S.A.WW ny farmaya,
“Gham na kar Alah hamary sath hy”
Dou shanmba ke raat yakam Rabi ul awal ko Aap S.A.WW or Hazrat Abu Bakar Siddique r.a ountnion par swar ho kar rwana hoay.
Aamir ko aap r.a ny apny sath swar kar leya. wo aagy aagy raasta btata jata tha.
chalty chalty dopehar ho gi tou…
Msg 10

Rasty mein aik bara pathar nazar aaya ous k saaye mein thori dair aaram ke gharz sy wahan outar gy.
Hazrat Abu Bakar r.a ny apny hath sy jagah hamwaar ke or posteen bicha de, or arz ke…
Ya Rasool Allah S.A.WW Aap S.A.WW soo jaein main nigrani kron ga.
Hazrat Abu Bakar Siddiqe r.a bahir nikal kar daikh rahy thay k aik charwaha apni bakriyan ousi pathar k saaye mein ly kar aa raha tha.
Hazrat Abu Bakar r.a ny kaha k main aik bakri ka doodh pee sakta hon?
Charwahy ny kaha,
haan
Ous ny aik piyaly mein doodh doha…
Msg 11

Hazrat Abu Bakar r.a ny thora sa paani doodh mein mila kar khidmat e Aqdas mein paish keya, Aap S.A.WW ny khoub sair ho kar piya or phir wahan sy chal pary.
Dousry roz seh shanmba k din Suraqa Bin Maalik Aap S.A.WW k ta’aaqub mein Aap S.A WW k peechy aaya.
Kuffar e Makkah ny eilaan keya tha k jo Aap S A.WW or Hazrat Abu Bakar Siddiqe r.a ko qatal ya giraftar kry ga ous ko 100 ount inaam mein deay jaein gy.
Suraqaa Bin Malik Aap S.A.WW ka peecha karty hoay Aap S.A.WW k qareeb pohancha tou ghory thokar khaei or gir para.
Msg 12

Ous ny dobara ghory ko aagy barhaya tou ghory k agly paoun ghutno tak zameen mein dhans gy.
ous ny bohat koshish ke lakin paoun na nikal saka.
Suraqaa kehta hy k mery zehan mein yeh baat aaei k,
Rasool Allah S.A.WW ka bol baala ho ga.
main pukara…
Amaan, Amaan…
Suraqa ny inaam ka zikar keya or zaad e raah paish keya.
Aap S.A.WW ny lainy sy inkaar kar deya or farmaya,
“Hamara haal posheeda rakhna”
is k baad Suraqaa ny darkhwast paish ke k mujhy aman tehreer farma dijiye.
Aap S.A.WW k hukm par Aamir bin sagheera ny chamry k tukry par farman e aman likh deya.
Msg 13

Aap S.A.WW ny Suraaqa ko dua di or farmaya k,
“Tujhy Qaisar O Kasraa k kangan naseeb hon”
Suraaqa rasty mein milny waly tamam kuffar ko yeh keh kar wapis kar daita k main ny bohat dhounda lakin Aap S.A.WW is taraf nai hein.
Aap S.A.WW kuch aagy barhy tou musalmano ka aik qafila mila jo mulk sham sy tijarat ka saman laa rahy thy. is mein Hazrat Zubair Bin Awaam r.a bhe thy.
Ouno ny Aap S.A.WW or Hazrat Abu Bakar r.a ko sufaid libas pehnaya.
Seh shanmba ke dopehar Aap S.A.WW ka Umm e Moa’bad k qabeely sy guzar hoa.
Umm e Moa’bad ke qoum qehat zada thee, wo aany jany walon ko khana khilati or pani pilati theein magar is waqiye k waqt kuch bhe na tha.
Msg 14

Aap S.A.WW ny khaimay mein aik bakri daikhi,
poucha keya yeh doodh daiti hy?
arz keya nai.
Aap S.A.WW ny farmaya,
mujhy ijazat dain main is ko dhoo loun.
arz keya,
mery maan baap Aap S.A.WW par qurban… Aap S.A.WW dhoo lain. Aap S.A.WW ny aik bara bartan talab keya or khoub doodh dhoha, Umm e Moa’bad ko pilaya ot tamam qafily walon ko pilaya sub ny saair ho kar piya. Dousri baar phir bartan doodh sy bhar deya.
Umm e Moa’bad ny islam qabool kr leya or wahan sy chal pary.
Continued…



 

EXERCISE QUESTIONS

MCQ’s /5

1. Sardaran e quraish mashwary k leay jama hoty thy,
a. dar ul Nudwa mein
b. daar e arqam mein
c. Kahana ka’aba mein

2. Ghaar e Sour mein Aap S.A.WW k sath thay,
a. Hazrat Ali r.a
b. Hazrat Abu Bakar r.a c. dono

3. Ghaar e Sour mein Aap S.A.WW ka qayam raha,
a. aik din
b. dou din
c. teen din

4. Quraish k mansoubon ke itlaa daity,
a. Hazrat Ali r.a k baity
b. Hazrat Abu Bakar r.a k baity
c. Zubair bin awaam

5. Aap S.A.WW or Hazrt Abu Bakar r.a k qatal ka inaam muqarar keya geya,
a. 300 ount
b. 200 ount
c. 100 ount

Fill in the blanks /5 

1. Aap S.A.WW ny farmaya, ____ na kar Allah hamary sath hy.
2. Makah mein Piary Aaqa S.A.WW k sath Hazrat __ or ___ reh gy.
3. ___ ko raasty ke rehnumai k leay ujrat par muqarar keya geya.
4. Ghaar k dahany par __ ny jala bun rakha tha.
5. Aap S.A.WW ny Suraqa sy apna haal ___ rakhny ko farmaya.

True / False /5 

1. Madeena walon ny Makkah walon ko apni panah mein ly leya.
2. Siddiqe e Akbar r.a Aap S.A.WW ke goud mein sar rakh kar soo gy.
3. Abdullah k naqsh e paa mitany k leay Aamir ous raasty par bakriyan haank kar ly jata.
4. Hazrat Abu Bakar r.a Aap S.A WW k sath ountni par swar ho gy.
5. Suraqa ny apny leay Aap S.A.WW sy aman tehreer farmany ke darkhawast ke.

Short Question / Answers /15 

1. Abu Jehal ny Aap S.A.WW k qatal ka kia mansooba paish keya?
2. Hazrat Abu Bakar Siddique r.a ny Aap S.A.WW sy keya arz ke?
3. Hazrat Ali r.a ko amanatein sounpty hoay oun ke hifazat k leay kia keya?
4. Makkah sy rwana hoty hoay Aap S.A.WW ny keya farmaya?
5. Aap S.A.WW ny Suraqaa ko keya dua de?
End


 

ANSWER SHEET

MCQ’s /5

1. (a)
2. (b)
3. (c)
4. (b)
5. (c)

Fill in the blanks /5

1. gham
2. Hazrat Abu Bakar r.a / Hazrat Ali r.a
3. Abdullah bin Areeqat
4. makri
5. posheeda

True / False

1. ✔
2. ✖
3. ✔
4. ✖
5. ✔

Short Answers 

A1. Abu jehal ny kaha k meri raaye hy k hum har qabeela sy aik aik dalair noujwan lain or oun ko aik aik talwar dain wo sub mil kar Piary Aaqa S.A.WW ko qatal kar dain is tarh jurm tamam qabaail par ho ga tou Abdul Munaaf ke oulaad tamam qabaail sy nai lar saky gi or wo khoon baha lainy par razi ho jaein gy.

A2. Hazrat Abu Bakar r.a ny arz keya,
Ya Rasool Allah S.A.WW….
main Aap S.A.WW par qurban, main Aap S..A.WW ke hamraahi chahta hon Aap S.A.WW meri dou ountnion mein sy aik pasand farma lain.

A3. Hazrat Ali r.a sy Aap S.A.WW ny farmaya k, subah yeh amanatein wapis kar daina phir khak ke aik mutthi li or Sorat Yaseen ke shuru ke aayat sy ly kar FAHUM LA YUBSIRON tak parhty hoay kuffar par phaink di.
Aap r.a ko kisi ny na pehchana.

A4. Aey Makkah…
Too pakeeza shehar hy, too mujhy bohat aziz hy agar teri qoum mujhy na nikalti tou Main teri jagah kaheein or sakoonat ikhtiyar na karta.

A5. Aap S.A.WW ny farmaya,
“Tujhy Qaisar o kasra k kangan naseeb hon”
End


 


Warning: count(): Parameter must be an array or an object that implements Countable in /home/bano/public_html/working/wp-includes/class-wp-comment-query.php on line 399

Leave a Reply

Your email address will not be published. Required fields are marked *