“Tip 18”
Ashiq Best Actor Hota Hy
Behtreen ashiq behtreen actor bhe hota hy.
Jo jitna behtareen acting karna seekhta ja raha hota hy outna he wo behtareen aashiq banta jata hy…
Aashiq kion k khudgharz hota hy…
Osay bus apna ishq bachanay or Mashooq razi karnay sy matlab hota hy… or is target ko haasil karnay k leay aashiq kahein bhe kisi maahaol mein bhe khud ko dhaal laita hy…
Aashiq ke gharz sirf os ka Mashooq hota hy…
Aashiq ke zindagi k saray rang roshniyaan mazay dilchaspiyaan sirf os k Mashooq k sang he hoti hein… or Mashooq k sang ye sab aashiq k andar os k dil ke duniya mein har lamha sath sath chalta hy…
Ab agar aashiq apny ishq ko barrhatay hoay Mashooq sy qurbat ke aalla mabaazil chahta hy tou is k leay osay aik he waqt mein 2 different zindagian jeeni hon ge…
Aik baahir ke duniya duniya walon k sath or aik andar ke duniya Mashooq k sath…
Par kisi be aashiq k leay mushkil ye hoti hy k…
… Wo bahir ke duniya mein khud ko Mashooq ke raza or khushi k mutabiq behtarren tara nahi chalata sakta or sirf andar kr duniya mein jeeta hy tou is leat aisy aashiq k ishq ko aalla level ka ishq nahi kaha jaey ga… beshuk k wo na sirf aashiq ho ga bulky bohat acha aashiq ho ga…
Ab yahan jo aashiq behtreen acting kar k apne baahir ke duniya mein rang bharta hy tou os k andar ke duniya be bachi rahy ge…
Or agar wo apne acting sy baahir ke duniya or duniya waalon ko mutmain nahi karay ga tou os ka ishq mutaasir hony ka khatra hota hy… or aashiq apny Mashooq k hawalay sy itna khud khudgharz hota hy k wo apnay ishq ko bachanay k leay bahir ke dyniya k deay gaey kisi sketch mein bhe apne behtreen acting sy aisay rang bhar laita hy k haqeeqat ka gumaan honay lagta hy…
Par wo haqeeqat nahi…
Haqeeqat sirf andar ke duniya hy Mashooq k sang…
Aap ny dramaz or movies mein daikha ho ga k…
… Kisi bhe kahaani mein kisi actor ko koe bhe role karnay k leay dy dain tou wo apne jaan laga k os mein aisay rang bharta hy k daikhnay walay ko lagta hy k sab kuch sach or haqeeqat hy…
Jab k os actor ke haqeeqi zindagi kuch or hoti hy…
Aisay he aashiq ka haqeeqi jeewan os k Mashooq k sath andar ke duniya mein hota hy…
Par baahir ke duniya mein osay jahan jahan or jis jis k sath jo bhe role play karnay ko deya jata hy os mein wo behtareen acting sy aisay rang har daita hy k…
Haqeeqat lagti hy…
Par aashiq jaanta hy k os ke haqeeqat os ka Mashooq hy… jo k azle haqeeqat hy…
Os haqeeqat mein na script or na coactor or na he role badalta hy…
… Aashiq hamysha aashiq rehtay hoay he ishq mein qadam ba qadam Mashooq ke qurbat mein aagay sy aagay janay ke chah mein pal pal guzarta hy…
Jab k bahir ke duniya mein script coactor or role badaltay rehtay hein or aashiq ny har jaga deay gaey sketch mein apne behtareen acting sy rang bharnay hotay hein…
Chahay aagay chehray koe bhe hon…
Jaisay duniya mein behtareen acting par silver or gold medal deay jatay hein…
Aisay he aashiq ko bhe baahir ke duniya mein Mashooq ke raza or khushi k mutabiq behtareen acting kartay hoay andar ke duniya ko aabaad rakhnay par inamaat or attaon sy nawaza jata hy…
Beshuk k ye acting bohat mushkil hoti hy or aashiq har har skatch mein jab rang bharta hy tou wo rang os k dil or jigar par churi chala chala k niklay khoon sy bharay jaatay hein…
Par aashiq k andar ka janoon os sy ye sab karwa jata hy.
Ishq Salamat 