Tip # 20 : Logon k Sath Working

“Tip 20”

 Logon k Sath Working

Ishq bazaat e khud siway apnay ishq par nazar rakh k osay barrha k Mashooq ke qurbat paanay k koe demaand nai karta…
Par agar mazboot qadmoo sy barrhna chahtay ho or kabhe bhe apnay ishq mein slow nai hona chahtay ya safar mein phisalnay or girnay ke surat mein push back chahtay ho k jaldi kharray h o k phir safar osi tara sy start kar do tou…
Sath sath logon k sath working ko laazim kae laina chahiye…
Kion k aik tou is k ishq k safar mein ye faaiday hein k or dosra khaas point ye hy k…
Allah ya Piaray Aaqa S.A.WW ya Allah ka koe bhe aalla manaazil wala… jo aap ka Mashooq hy… os ny Allah k bandon ko hidayat, sakoon or bhalaai ke raah dikhanay ke har mumkin koshish kartay hoay… Haq par kharray rehnay ke targheeb de hoe ge…
Is leay Mashooq k rang mein rangtay hoay jo aashiq bhe apnay Mashooq ke us adda ko apnata hy…
… Wo ishq mein extra marks, power ya pushback haasil karta rehta hy or ishq k rang ko mazeed nikhaar sakta hy…
Kion k jahan ishq ke aazmaaishein aashiq ko gharrti hein… waheen sath sath agar logon k sath kaam kar bhe khud ke ragrraai ke jaaey tou gharraai ka kaam taiz ho jata hy jo k aashiq k andar ishq k maojud rangon ko or ziada chamak atta karta hy…
Par working mein aik khaas baat ka khiyal rakhna hota hy k… jin logon k sath working ke jaaey oun sy begharz or belaoss piar kar k time deya jaaey…
Agar is mein zara bhe zaat aajati hy ya oun k sath moaamlaat mein aashiq ka dil up down hota hy tou ye aashiq k ishq par asar andaaz ho ga…
Is leay is par khaas tawaju daitay hoay working ke jaaey or apna ishq taizi or mazbooti sy parwaan chahrraya jaaey.
Ishq Salaamat :-)


Warning: count(): Parameter must be an array or an object that implements Countable in /home/bano/public_html/working/wp-includes/class-wp-comment-query.php on line 399

Leave a Reply

Your email address will not be published. Required fields are marked *