Topic # 1 : Yaqeen kia hai ( Day :1 )

YAQEEN KIA HAI

Bina daleel man’na yaqeen kehlata hy. Yaqeen darasal Dil ka ehsas hy. Yaqeen mujasam kuch bhi nahi hy.our is ko hasil karny k liye daleel hum tub thamty hain jub hum phisalny lagty hyn ya hum andar sa kamzoor ho ky dag’maga rahy hoty hyn our poun mazboot nahi hoty.
Jab yaqeen hu k poun k nechy zameen hay tou daleel ki zaroorat nahi rahti. Darasal hamara yaqeen hamary guman k mutabik hota hay. Our hamary guman k mutabik hi hamy milta bhi hay. Agar daleel aa jay tou wo yaqeen nahi.Jesy keh ALLA H ko bina daleel keh man’na, asal may yahi eman hay. Jub tak kisi bhi cheaz ky liye yaqeen krny ko daleel sy mashroot kiya ho wo yaqeen nahi hota. Jab dale’el ko chor dyty hyn tub yaqeen hota hay.
Jitna hum yaqeen k liye dale’el koh chorty jaty hyn hum yaqeen koh pakarty jaa rahy hoty hyn. Jub sari dale’elyn hath say choot jayn tub sirf yaqeen hath may reh jata hay. Yaqeen ka behtreen level bina dale’el k yaqeen hay. Lakin agar kisi cheaz per yaqeen nahi ban raha tou byshak dale’el ki seerhi pakro magar aik aik seerhi say aagy nikalty jao.

Our aik aik dale’el chor ky yaqeen pakart jao. Farz karyn 5 dale’eloon sy aap nay kisi cheaz ko pakar rakha hai. Jub aap in 5 my sy aik ko chor dayn gy. Tou 4 dale’elyn reh gaen… aap nay 1% yaqeen pakar liya . Jub aik our dale’el chour di… tou mazeed yaqeen pakar liya our jub 5 ki 5 dale’elyn chour deen… tou us cheaz ko munwany ky liye wo 5 dale’elyn chorna… aap ko yaqeen ka behtareen level dy jay ga. Byshak yaqeen koh kosish say hasil kiya jaa sakta hay yani keh hum dal’el ki seerhi thaam sakty hyn. Magar jub kisi aik makaam per kisi nukty per pounchna chahyn tou aahista aahista dale’el koh chor ker yaqeen pakar layn.

شاه جی❤

? حق بات
(محمدی حسینی سلسه)


Exercise

Day 1
Q1:- Fill in the blanks:
(i): Darasal Hmara yaqeen Hmaray_____k mutabiq hota hai.

(ii): Jitna ham yaqeen k leay_____ko chorty jatay hn yaqeen ko pakarty jaty hn.

Q2 :- MCQ’s

(i): —– man’na Yaqeen kehlata hai.
(a) Daleel k sath
(b) Bina Daleel
(c) Musajam ko

(ii): Jab tak kisi b cheez k leay yaqeen karny ko daleel sy mashroot kia ho wo ——-nai hota.
(a) Yaqeen
(b) Gumaan
(c) Emaan

Q3: Short Question
Sawal:
Aapko kisi b moamlay mn yaqeen ka bhtreen level bna’ay rakhny mn kia ehsas help karta hai ?Apni routine mn sy misaal dy k share karien….


Answer key

Blanks
1: Guman
2: Daleel

Mcqs
1: b
2:a

Question:

Ye sabka apna jawab hoga.


Warning: count(): Parameter must be an array or an object that implements Countable in /home/bano/public_html/working/wp-includes/class-wp-comment-query.php on line 399

Leave a Reply

Your email address will not be published. Required fields are marked *