7. Madeena Sy Rawangi

*~*Madeena sy Rawangi *~*

Hazrat Abdullah Bin Zubair r.a tara tara k bahano sy Waleed k qaasid ko taaltay rahay or Waleed k pass na gaey.
Dosray din Wo apnay Bhai Jaafir k sath Madina Munawara sy Makkah rawana hoay. Waleed k amlaa ny in ko barra taalash keya magar wo na mil sakay.
Hazrat Abdullah Bin Zubair r.a k Makkah rawana hony k aik raat baad Hazrat Imam Hussain r.a ny Apnay azeez o aqaarib or Ehal o ayaal ko jama keya or Madina Munawra ke hurmat ke khatir yahan sy Makkah Mukarma muntaqil ho janay ka iraada farma leya…
Ghar walon ko taiyari ka hukam day kar Aap r.a Masjid e Nabvi mein Apnay Nana Jaan k Roza e Aqdas par hazir hoay… nawafil ada keay or dasta basta salaam arz keya.
Aap ke aankhon sy be’ikhtiyar aansoo jari ho gay…
Gumbad e Khizra k makeen sy judai k khiyal ny Aap r.a par riqat taari kar de.
Is shehar mubarik mein Aap ny Apni umar ka ziada hissa guzara.
Msg 2
….is shehar ki mo’atar or pur noor fizaoun mein Aap Apny bachpan sy ly ker ab tak sans laity aa rahy thy.
Madina Munawra sy douri Aap r.a k leay bahut mushkil thee.
Ye waqia 4 shabaan 60 hijri ka hy k jis waqt Aap r.a Madina Munawra sy Makkah Mukarma ke taraf rawana hoay.

Leave a Reply

Your email address will not be published. Required fields are marked *