*Alert 15*
“Baatil or Hamaray Piaray”
Jab ham apne manzil ke chah mein sab kar guzratay hoay baatil k hath nai arahay hon gy tou wo hamaein hamaray piaron sy aa k pakrray ga.
Or oun mein phansa k taswer ye dikhaey ga ye tumare zimadari hein… tum apnay leay nahi in k leay kar rahay ho… ye duniya mein tumare zimadari de gae hy wo poori karna bhe tou lazmi hy.
Ab yahan bazaahir ye ham ko ghalat nahi lagay ga. Magar dar asal yahan batil hamara dil apne manzil sy hata k… wahan oun k sath direct attach karay ga, or wo sara jazba jo k ham har aik rishtay sy bala tarr ho k sirf manzil k leay laga rahay hon gy, os jazbay ka rukh morr dy ga…
Halan k aisa bhe nahi k ham pehlay wo zimadari poori nahi kar rahay hon gy,
Lakin pehlay ham manzil ke talab ke chah mein apnay rishtay ko behtareen nibhanay ke koshish kar rahay thay… par baatil ab manzil ko beech sy nikal k sirf rishtay ke zimadariyan nibhanay ke chah baidar karnay ke koshish karay ga…
Is leay yahan bohat muhtaat reh kar khud ko baatil k is waar sy na sirf bachana hy bulky baatil ko shikast dy kar manzil ke chah mein he duniya k sab rishtay behtareen tara sy nibhanay ke koshish kartay rehna hy.
Haq Ka Allam Thaamay Rakhna:-)