*Alert 17*
*Baatil Or Istaqamat*
Baatil andar ye soch baidaar karay ga k tum lamha lamha laga kar itnaaaaaa kuch kar rahay ho…
Par tumhein os k badlay outna deya nai ja raha.
Ya aisay k… kia kisi ko pata or khabar bhe lag rahe hy k ham bhe yahan lagay parray hein…
Or itni koshish k bawajood kuch nai paa rahay… kia faaida aisi koshish ka…etc
Ab wo laawarsi or bechargi mein la k Source of power sy hamara yaqeen ka conection kamzor karnay ke koshish kray ga…
Jab k asal mein tou jab ham apnay safar mein aagay barhtay hein tou kabhe dy k azmaya jata hy or kabhi ly k, or kabhi waqti taor par kuch na dy k bhe yaqeen or istaqamat ko check keya jata hy k chah asal manzil ke he hy ya beech k maqamaat ziada ehmiyat rakhtay hein…
Is sab ka maqsad hamein zaati chahat sy aazaad kar k asal manzil par istaqamat sy kharray rehnay ka sikhana hota hy…

Yahan kisi zara se koshish walay ko bhe kabhi mehroom nahi rakha jata.
Ata har waqt hoti hy or hamein hamare koshosh sy siwaa atta keya jata hy…
Ye or baat hy k is ke hamein samjh he na aarahe ho or wo ata kisi bhe or soorat ke ja rahi ho…
Lekin jab ham aisa kar rahay hon gy or khaalis ho k sirf manzil ke chah mein… bina ye sochay kar rahay hon gy k… mujay is koshish k badlay mein kuch mila bhe hy ya nahi…
Tou baatil ka ye attack zaror ba zaror hoga…
Or wo hamein is soch or ihsas ko baidaar kar k thaka dy ga k mujay mill kia raha hy… Or youn yaqeen kam ho ga or power ke kami k sath he ham down hotay jayein gy tou jazba kam hoga or phir safar ke raftar bhe kam hoge… Or agar ham aisay he bechargi or mazloomiyat mein rahey tou safar ruk bhe sakta hy.
So stay Alert…
Aisay jab bhe baatil aey osay moun moun par maaro k hamein kuch milay ya nahi…ham haq ke raah par na sirf istaqamat sy kharray rahein gy bulky aagay bhe barrhein gy.
Haq Ka Allam Thaamay Rakhna:-)