Batil Alert 42
* Batil Or Space Dena *
Batil zindgi k moamlat or mamoolat mein hamein na sirf apni mann manian karnay par majboor krta hy. Balkay doosron par bhe apni marzian chalwata hy. Or ham ana k chunggal mein phanstay jatay hein.
Ham apnay leay dosron ko bhe apne marzi ka he daikhna chatay hein…
Or doosron ko space nai dena chahtay.
Or is k peechay batil hota hy.
Jo hamein mann marzian karwata hy or zaat ko barhaawa deta rehata hy.
Batil hamein ye ihsas nai rehnay deta k,
Hamein doosron ke jaga khud ko rakh k sochna chahiye or jahan takk mumkin ho sakay doosron k leay asani, sakoon or sahoolat ka sabbab ban’na chahiye, na k doosray hamari tangg dilli, manfi jabzay ya amal ke waja sy pareshani ka shikar ho jayen.
Ham apne had tak apne marzi karna chahtay hein tou kamazkam aglay ko bhe space dain k Wo bhe apne marzi karay…
Par afsoos k ham,
Gand + gand he nai
Gand × gand kar daitay hein.

Ham hamysha apnay leay space lena chahtay hein or Apnay leay space lainay k leay ham doosray ko takleef mein moubtila karnay sy bhe baaz nai aatay, jab k asal mein hamein chahiye k,
Pehlay raasta den,
Space den sab ko,
Jaisay apnay leay chahtay hein.
Or aisa kartay hoay yakeen rakhein k aap jo Bo’atay hein, Wo kat’tay hen.
Tab space daina aasan lagay ga..
Or Space dainay sy..
Kisi k leay single road kholnay sy…
aap k leay motorway khulay ge..
Kion k aik beej sy aik he beej nai wasool hota….
Or aisay jab ham apni marzian tor kar, doosron ko apni apni marzi k moutabiq dhalnay ke koshish ke bajye, doosray ko space denay lagen gay, oun k leay asani ka sabab ban’nay lagen gay,
tou dil sy tangi ka khatma bhe hoga, wusat e qalab millay ge tou aik doosray k leay bahimi muhabat ko mehsoos karen gay, or youn apas k talouqat mein behtari aye ge or maomalat bhe darust honay lagen gay. Youn zaat par kaam mein bhe taizi aye ge or is tara majmooi taor par jazba bhe sahi simat yani sirf or sirf safar mein lagay ga or batil ke chaal nakaam ho jaye ge.
Haq Ka Allam Thamay Rakhna 