Sony jaagny k adaab
Neend ALLAH ki nematon mein sy aik nemat hy sony sy jisam ko rahat milti hy naqahat or thakaan door hoti hy..
1..ishaa ki nimaz parhny sy pehly nahi sona chaheay..
2..AAP SAWW takeed farmaty k sony sy pehly agr wozoo ho tu behtar hy
3..soty waqt charaagh ko bujhaa dena chaaheay
4..soty wsqt jalti aag ko bujhaa dena chaheay kiun k ho sakta hy k soty hoay is sy kisi tareeky sy nuqsan ponch jaey is leay angheethi jala kr nahi sona chaheay na gess heetar waghera jalta hoa chor kr sona chaheay kiun k jalti aag khatry sy khali nahi
5..esa makaan jis ki chath pr parda k leay chaar dewaari na ho is pr sony sy gurez krna chaheay kiun k chaar dewari na hony sy aik tu parda nahi hota or dosry raat ko jb koe achanak uthy tu is k girny ka khatra hota hy is leay PIYARY AAQA SAWW ny khuli chat’ton pr sony sy mana farmaeya hy
6…sony sy pehly bistar ko achee trha jhaarna chaheay kun k bistar ko jharna Nabi Pak SAWW ki sun’nat hy
7..sony sy pehly ghar ka darwaza band kr lena chaheay .
8…Hazrat Jabir R.A sy marvi hy k meny Nabi Pak SAWW ko farmaty hoay suna k jb raat k waqt tum kutty k bhonkny ya gad’dhy k reengny k awaaz suno tu AAOUZO BILLAH HI MENASH ‘SHETAAN NIR’RAJEEM kaha kro kiun k wo in cheezon ko dekhty hen jinhen tum nahi dekhty
Or jb chalny waly per kam ho jaen tu bahir kam niklo
Kiun k raat k waqt ALLAH apni jis makhlooq ko chaahey phela deta hy. Or ALLAH ka Naam lekr darwazy band kr lia kro kiun k band darwazy ko shaitaan nahi kholta js pr ALLAH ka Naam lea gia ho
Gharhy dhak dea kro bartano ko ulty kr dea kro or mushko k monh band kr lea kro… (Mishkaat)
9…soty waqt kisi na kisi sorat mein Allah ka zikr krna zarori hy…
AAP SAWW ny farmarya jb admi sony k leay apny bistar pr ponchta hy tu isee waqt aik farishta or shaitaan is k paas aa ponchty hen
“frishty is sy kehty hen k apny amaal ka khatma bhalae pr kro
“Shaitaan kehta hy apny amaal ka khatma burae pr kro phr agr wo admi ALLAH ko yaad zikr kr k soeya tu farishta raat bhar iski hifazat krta hy..
(Aladab almufrid)
10…sotey waqt PIYARY AAQA SAWW ki farmaee hoe duaon ka parhna masnoon hy
Hazrat Huzefa farmaty hen k AAP SAWW ki Aadat mubarika thee k raat ko ket’ty waqt daeyaan Haath Rukhsaar Mubarik k neechy rakhty phr farmaty..
Ya Allah main Tery Naam k sath moat or zindagi sy hamkinar hota hon
or jaagny pr farmaty
Allah hee leay sataish hy Jis ny Hamen marny k baad Zinda kia or Usee ki taraf lotna hy..
(Bukhari sharif)
11.. Hazrat Ayesha R.A sy rewaeyat hy k Nabi Pak SAWW har shab jb bistar pr tashreef le jaty tu Apny dono Hathon ko jama kr k Surat Ikhlas Surat Falaq or Walnaas parh kr in mein phonkty. Phr jis qadar mumkin hota apny Jisam Aqdas pr pherty Sir Anwar Chehra Aqdas or Jisam Athar k samny sy shru farmaty 3 martba ye amal duhraaty…
(Bukhari sharif)
12…AAP SAWW jb raat ko bedaar hoty tu rafa Hajat sy farigh hoty phr wozo farmaty or nimaz tahaj’jad adaa farmaty phr sona hota tu so jaaty warna bedaar rehty or nimaz fajar adaa farmaty..
13… raat k pichly pehar mein jaag kr ALLAH ki hasb e tofeeq ibadat krni chaheay is waqt jo mangon gy Allah attaa kre gaa
14…sotey waqt pait k bal yani ultay hokr na soein kiun k
Hazrat Abizar R.A ny farmaeya k PIYARY AAQA SAWW mery paas sy guzry or main pait k bal leta hoa tha AAP SAWW ny PAON Aqdas sy thokar lagaee or farmaeya ..
Ay jandab ye jahanamion ka letna hy..( ibny maja )
Is Hadees mein pait k bal letny ko jahanum k letny sy qaraar dea gia is sy maloon hia k jahanmion ki tarha letna darust nahi..aik or Hadees mein hy k pait k bal letny ko ALLAH Tala ny na pasand farmaeya hy..
15… chat late kr taang pr taang rakhny sy soney waly k nanga hony ka dar hota hy or is trha sattar ka nanga hona bais e sharam or byizati ka bais banta hy wesy bhee taang pr taang charaahny sy fakhr or takabur k izhaar ka pehlo numaeyan hota hy is leay AAP SAWW ny chat late kr per pr per rakhny sy manna farmaeya hy
16… Gharon mein ALLAH ki rehmat sy mehman aaty jaaty hen is leay mehman k soney k leay alag bistar bana kr rakhna sunnat hy
17… din k waqt thori der k leay soney ko qeloula kaha jata hy is sy jisam ki thakawat dour ho jati hy AAP SAWW amoman dopehr k khaaney k baad garmion mein qeloula farmaty is leay dopehr k khaany k baad qeloula krna sunnat hy…
PIYARY AAQA E Dojahan SAWW k soney ka tareeka
AAP SAWW ka sona na zeada thaa or na hi boht kam bal k etadaal ka thaa.
AAP SAWW ishaa ki nimaz k bad wozo ki halat he mein soney k leay Apny bistar mubarik pe tashrif le jaty or bistar mubarik ko jhaarhty is k baad joty utaar kr bistar mubarik pr late’tey .. or ALLAH ka zikr krty Quran pak ki chand surten parhty phr mehve khawb ho jaty raat ko pichly pehr jagty tu Uth kr wozo farmaty or nimaz tahajjad adaa krty.. is k bad agr neend aa jati tu dobara so jaty or agr neend na atee tu bedaar rehty.. subh ki azaan hoti tu nimaz subh ki tyaari farmaty . Baaz oqaat mein esa bhee hota k tamaam raat bedaar rehty or ibadat mein guzarty . Ramzan mein raat ko aksar shab e bydaari farmaty.. AAP SAWW ka aksar ye mamool tha k na zeada soty or na zeada jaagty.. ibadat ka haq bhe adaa krty or jisam ka haq bhe. Yani isy araam bhe ponchaaty..AAP SAWW k soney ka andaaz ye thaa k AAP SAWW chat na latety thy bal k daen Rukhsaar k neechy Haath rakh kr CHEHRAA mubarik aik taraf kr k pehlo ki janib araam farmaty jb dil chahta krwat badal lety..
☆ Hazrat Braa bin azib r.a farmaty hen k Nabi pak SAWW bistar pr tashrif laaty tu Daen pehlo pr araam farmaty..phr ye kalmaat parhty “ALLAH Hum’ma Aslamta”
Ya ALLAH meny Apny AAP ko TERY Hawaaly kia Apna CHEHRAA TEREE taraf mutwajha kia..Apna mamla TERY sapurd kiA..raghbat or khof dono sorton mein Tera Sahara.
TERY azaab sy’TERY daman e rehmat he mein panah mil sakti hy main TEREE Utaari hoe kitaab or TERY bhejhy hoay Rasool pr Imaan laeya..
(Bukhari Sharif)
☆ AAP SAWW zeada araam deh bistar istamal krny k qail naa thy kiun k araam deh bistar ghaflat ka bais banta hy is leay AAP SAWW ny chamry ‘taat or bory ka bistar istamal farmaeya..
AAP SAWW k Bistar k mutaliq Hazrat Ayesha r.A ki rewaeyat ye hy k..
☆ Hazrat Ayesha R.A ny farmaeya k Rasool ALLAH SAWW ka bistar jis pr Soeya krty.. chamry ka thaa jis mein khajhoor ka gooda bhara hoa tha…
(Muslim sharif)
Masjid k adaab
Masjid ALLAH ka ghar hy or musalmano ki ibadat gaah hy or isy ALLAH k haan dosry maqamaat ki nisbat barari hasil hy jo aam jaghon ko hasil nahi
1. AAP SAWW ka arshaad hy
masjid mein jharoo dena masjid ko pak saaf rakhna masjid ka koora kirkit bahir phenkna.. masjid mein khushbo sulgana
Bilkhasoos jumma k din masjid ko khusjboo mein basana… jannat mein le jaany waly kaam hen..
2. masjid mein sirf ALLAH ki ibadat ki jaey lehaaza wahan koe laghv baat na ki jaey na kisi ki burae byaan ki jaey or na hee wahan dunia ki baaten ki jaen …esy hee masjid mein shor machana.. mazaq krna.. dunia k halaat waghera pr tabsra krna sb manna hy
3. masjid mein khareed o farokht na ki jaey ..
Kiun k duniavi kaam insaan ko ALLAH ki yaad or tawajha sy hataaty hen is leay masjidcmein karobaar krny sy manna farmaeya gia hy.. baaz log masjid mein topiaan ‘ tasbeehan ya kitaaben waghera rakh kr bechty hen agr koe esa krta ho tu isy manna kren or isy samjhaen k masjid k darwazy k bahir farokht kry kiun k farokht masjid mein manna hey
4. masjid mein khamoshi sy betha jaey aehsta baat ki jaey is k ilawa masjid mein buland awaaz sy baat krna bhe manna hy
5. masjid mein thookna makrooh tehreemi hy
AAP SAWW ny masjid mein thookny sy manna kia hy bal k AAP SAWW ny farmaeya hy k masjid mein thookna bury amaal mein sy hy
6. kach’cha piyaaz or lehson khaa kr masjid mein ana manna hy esy hee ko badbo daar cheez kha kr masjid mein nahi ana chaheay isee trha huqqa sigrit waghera pee kr bagher monh saaf keay masjid mein aana achaa nahi
7. masajid mein groh bandi krny ki ijazat nahi .
Kiun k AAP SAWW ka irshad hy k apis mein ikhtalaf na kro tum mein sy pehly log apis mein ikhtalaf ki wajha sy halaak hoay
8. masjid mein ghusal ya wozo krna darust nahi madjid k sath jo jagha gussal or wozo k leay banae gae ho wahan wozo krna chaheay
9. masjid mein kisi jagha ko apny leay makhsos kr lena or wahan dosron k bethny sy nagawari mehsos krna manna hy kiun k masjid ALLAH ka ghar hy
10. masjid ko rasta banana yani is mein sy hokr guzarna jaiz nahi
Peeny k Chand Adaab E Sunnat
1* Khany k doran pani na peena
2* Glass ko daaein hath sy pakarna
3* Paani thehar thehar kar peena
4* paani teen saans mein peena
5* Pani ko daikh kar peena
6* Paani peeny k doran dakar ya saans na laina
7* Pani na lait kar pe’ein na khary ho kar
8* Paani peety hoay bismillah parhna or aakhir mein alhamd o lilah parhna.
9. Aourton k leay pani peety hoay sar ko dhanpna.
Peeny sy mutaliq khilaaf e sunnat amour
* Pani ko khushboo dar banana mazmoom hy.
* khany k baad doran pani peena
* Ghata ghat paani peena
* Pani waly bartan mein saans laina
* Aik saans mein pani peena
* Khary ho kar paani peena
* Pani mein phounk marna
* Sony chandi k bartan mein peena haram hy.
Peeny Sy Mutaliq Piary Aaqa S.A.WW Ka Uswa E Hasna
⭐*Hazrat Anis Bin Malik farmty hein k Aap S.A.WW pani teen saans mei peety thy.
⭐*Hazrat Abu Huraira r.a famaty hein k Aap S.A.WW paani teen saans mein peety or jab bartan munh ko lagaty tou bismillah kehty or jab hataty tou alhamd o lilah kehty is tarah teen martaba kart yani har saans pr bismillah or alhamd o lilah parhty.
⭐* Hazrat Ibn e Abbas r.a farmaty hein k main ny Nabi Kareem S.A.WW ko zamzam pilaya tou Aap S.A.WW ny khary ho kar nosh farmaya.
⭐* Hazrat Umm e Salma r.a sy riwayat hy k Aap S.A.WW ny doodh piaya or os k baad kuli farmai or farmaya k isein chiknahat hoti hy.
Masjid mein dakhil hony ka sunnat tareeka
☆ adab sy masajid mein jana Nabi pak SAWW ki sunnat hy
Ghar sy jb masjid ki taraf jaen tu nigahon ko neechy rakhen kisi kisam ki ger ikhlaqi harkat na kren or dil mein ajzi or garia zari k sath ALLAH k ghar mein jaen tan’k ALLAH razi ho
☆ masjid mein dakhil hony ka sunnat tareeka ye hy k masjid k darwazy pr jouta utaaren or is k bad pehly daeyan qadam andar rakhen or phr baeyan qadam rakhen
or dakhily k waqt AAP SAWW ki farmaee hoe dua parehenor esy hee masjid sy nikalny ki dua parhen or pehky baeyan qadam rakhen or phr daeyan Qadam..
AAP SAWW k is tareeka sy masjid mein dakhi hony or nikalny pr by had sawaab or ajar mily gaa
☆ Masjid mein dakhil hony or nikalny ki masnoon duaen!
● Hazrat Abu Saeed R.A sy marvi hy k AAP SAWW ny farmaeya jis waqt tumh masjid mein dakhil ho tu ye parhen..
Ay ALLAH mery leay Apni Rehmat k darwazy khol dy...
Or jis waqt nikly tu ye kahy
Ay ALLAH byshak main TUJH sy TERAA Fazal maangta hon…
(Muslim)
EXERCISE QUESTIONS
MCQ’s /5
1. Sony sy pehly bistar ko jharna,
a. mustahib hy
b. sunnat hy
c. farz hy
2. Raat ko sony sy pehly hukm hy,
a. darwazy band krny ka
b. pani k bartano ko dhanpny ka
c. dono ka
Msg 2
3. Masjid mein ghusal or wazoo karna,
a. ghalat hy
b. darust hy
c. sunat hy
4. Masjid mein baat krni chahiye,
a. ounchi aawaz mein
b. aahista aawaz mein
c. isharon mein
5. Paani peena chahiye,
a. lait kar
b. khary ho kar
c. dono nai
Fill in the blanks /5
1. Aap S.A.WW ka sona ____ ka tha.
2. Dopehar k khany k baad garmion mein ___ karna sunat hy
3. ___ cheezain kha kar masjid mein jany sy mana keya geya hy.
4.Masjid ko khushboo mein basana ____ ka baes hy.
5. Pani peeny waly bartan mein ____ laina ____ hy.
True / False /5
1. Sony sy pehly wazoo karna chahiye.
2. Aap S.A.WW Ramzan ul mubarik mein raat ka aik tehaai hisaa jaagty.
3. Masjid sy nikalty hoay pehly dayan paoun bahir rakhein.
4. Masjid mein apny leay jagah makhsoos na karni chahiye.
5. Pani ko khush boodaar banana jaaiz hy.
Short Question / Answers /15
1. Aap S.A.WW ny pait k ba sony sy kion mana farmaya?
2. Aap S.A.WW raat ko soty hoay konsi duaein parhty or keya amal farmaty?
3. Masjid mein kin amaal ka injam daina jannat k hasool ka baes hy??
4. Masjid mein dakhil hony or nikalny ka sunnat tareeqa keya hy?
5. Peeny sy mutaliq Aap S A.WW ka uswa e hasna keya tha?
ANSWER SHEET
MCQ’s /5
1. (b)
2. (c)
3. (a)
4. (b)
5. (c)
Fill in the blanks /5
1. eitadaal
2. qailoola
3. badboodar
4. jannat
5. saans / khilaf e sunnat
True / False
1. ✔
2. ✖
3. ✖
4. ✔
5. ✖
Short Answers
A1. pait k bal sony ko jahanamion ka tareeqa btaya geya hy or Allah ny bhe is ko napasad farmaya hy
A2. Aap bistar par tashreef ly jaty Allah ka zikar karty phir dono hathon ko jama kar k Sorat ikhlaas Sorat Falaq, Sorat Walnas parh kar in par phounkty phir jis qadar mumkin hota apny jism e mubarik par phaity.
sar anwar, chehra e Aqdas, or jism athar k saamny sy shuru krty or 3 baar yeh amal krty.
A3. masjid ko paak saaf karna, jharoo lagana, khushboo sulgana
A4. Masjid mein dakhil hony ka sunnat tareeka ye hy k masjid k darwazy pr jouta utaaren or is k bad pehly dayan qadam andar rakhein or phr bayan qadam rakhei or dua parhein.
phir aisy he masjid sy nikalny ki dua parhen or pehly bayan qadam bahir rakhein or phir dayan qadam.
A5. Aap S.A.WW paani teen saans mein peety or jab bartan munh ko lagaty tou bismillah kehty or jab hataty tou alhamd o lilah kehty is tarah teen martaba kart yani har saans pr bismillah or alhamd o lilah parhty.
Aab e zam zam khary ho kar noah farmaty
doodh peeny k baad kuli farmty.
End