*~*Hazrat Imam Hussain a.s ka Kufa Janay ka Paka Azm*~*

Ehl E Koufa k khatoot or wafoud k baad Imam E Aali Maqam r.a ny Muslim bin Aqeel r.a ko halaat sy aagahi k leay Koufa bheja tha.
Aap r.a ny ehl E koufa ki be’panah aqeedat o mohabat ko daikhtay hoay Imam E Aali Maqam r.a ko likh bheija tha k Aap r.a tashreef ly Aaein.
Yahan hazaron afraad Aap r.a ki traf sy mery hath par bait kr chukay hein.
Chunachay Hazrat Imam Hussain r.a ny Koufa janay ka pakka azm kr leya.
Idhar Koufa mein jo inqalaab barpa ho chuka tha… Ous sy Aap r.a abhi tak laa ilm thay.
Jab Aap r.a khanwada E Rasool S.A.WW ki muqadas khawateen, Bachon or rufaqaa k sath koufa ki traf rawana honay lagay tou…
Hazrat Abdullah bin Abbas r.a ny mana keya or kaha k Koufi barray bewafa or naqabil e aitmaad hein, main Aap r.a ko khuda ka wasta daita hon k koufa na jaein.
Agar Ehl e koufa ny mojouda hakumati goverrnar ko qatal kr deya hota, apnay dushmano ko koufa sy…

Msg 2…
… nikal deya hota or halaat par oun ka qabu hota tou Aap r.a ka jana darust tha.
Lakin agar ounhon ny Aap r.a ko aisay halaat mein wahan bulaya hy k oun ka ameer oun mein mojoud hy or ous ki hakomat qaaim hy.
Or ous k karinday hakomati mehsolaat badastoor wasul kr rahay hein.
Tou jaan lijiye k ounhon ny Aap r.a ko sirf jang o jadaal k leay bulaya hy.
Mujhy tou khoaf hy k yeh bulanay walay Aap r.a ko dhoka dain gy.
Aap ko be yar o madadgaar chourr dain gy bal’k mujhy tou khadsha hy k wo log hakomat e waqat k sath mil kr Aap r.a sy larrain gy.
Or sab sy barray dushman sabit hon gy.
Is tarah Hazrat Abdullah bin Zubair, Hazrat Abdullah bin Jafar or Deegar sathi mana krtay rahay lakin…
Imam E Aali Maqam r.a sab ko ye jawab daitay rahay k…
Ab masla wafa or bewafai ka nai, masla is dawat ka hy jis mein mujhy kalma E Haq buland krnay, zulm o jabar k khilaaf jang, shariyat E Mustafa S.A.WW K ahyaa or deen e Islam ki qadron…

Msg 3…
… ko pamaali sy bachanay k leay maidaan e Amal mein aanay ko kaha geya hy.
Souno… main oun maqasid k leay apnay iraday or mojouda iqdaam sy peechay nai haton ga.
Baaz log nadaani mein ya bughaz e ehl e bait mein keh daitay hein k…
Jab yazeed k muqabalay mein Hazrat Imam Hussain r.a k pass kafi askari fouj o siyasi himayat na thee tou Aap r.a ka aisay halaat mein Makkah chorr kr koufa k leay aazim e safar hona… Ma’azallah (kharoj) tha.
Yeh daleel Ehl E Bait k sath dili bugaz o fasad honay ya inteha darjay ki be waqoofi k siwa or kuch nahi.