“~*Shaaor E Ramzan*~”
“Sabar ka Maheena*
Sabar k maani arbi lughat mein bandhny or rukny k hein. Is maqam par sabar sy murad hy apny aap ko itna bandhna or aisa zabt e nafs krna k insan Allah k ehkaam ki khilaf warzi na kry or Oss ki ita’at k daairy sy bahir na nikly.
Hazoor Nabi Akram S.A.WW ny isay Sabar ka maheena Qarar deya hy,
Aap S.A.WW ny farmaya…
“Wo Sabar ka maheena hy or Sabar ka badla janat hy”
Sabar he ka swab jannat hy sy murad yeh hy k aik aadmi agar jannat hasil krta hy tou isi wajah sy hasil krta hy k wo apny nafs par itna qaboo pany mein kamyab ho jata hy k ous ki khawaishat e nafs belagaam nai hony paatein or oun ko raza e ilahii ka paband bana daita hy.
Is maheenay ka Sabar hona zahir hy k tamam Khuwahishaat o Shehwaat per pabandi laga di gae k tum seher o aftar k darmiyaan kuch khaa pee nahi saktay,na biwi k pas jaa saktay ho.
Isi trah laghw kamon or fahash baton sy Sabar.
Or ye be farmaya… “Roza khanay or peenay sy bachnay ka hi naam nahi bal’k roza tou laghw or fahash kamon sy bachnay ki wajha sy hota hy”
Larai Jhagray or Bad kalami sy Sabar.
Agar koi rozadaar ho or dosra banda koi is sy jhagra krna chahay…
Is ko keh daina chahiye k bhai mein Rozadaar hon.
Jhoot or Gheebat sy Sabar…
Farmaya…
“Jo Shakhs jhoot or jhoot k muta’alika kaam (khoot) nahi chorta Allah ko is ki koi Hajat nahi k wo apnay khanay or peenay ko chor dy’
Tou ye maheena saray ka sara Sabar… ka maheena hy… Jo banda sabar k sath ye maheena guzar ly Allah Ta’ala isay jahanum sy aazadi atta farmatay hein or Janat ka mustahiq bana daitay Hein.
Ihsas Atta Ho