“~*Shaaor E Ramzan*~”
“Rozay ka Badla”
Roza Allah Ta’ala or ous k banday k drrmiyan aik khufiya muahida hy.
Allah Ta’ala frmaty hein..
“Roza Mere leay hy or Is ka badla bhi mere zimay hy”
Choun’k banday ny khaas mere leay roza rakha halan’k agar wo Chahta tou kuch khaa pee laita koi ousy rokny wala nai lakin ous ny mere leay sabar keya is leay ousy ajar bhi main khud doun ga…
Baqi har qisam ki Ibadat ka sawab farishty likhty hein, magar roza k Bary mein frishty sirf yeh likhtay hein k ous ny roza rakha.
Is ka ajar or badla qiyamat k din Allah Ta’ala dain gy.
Is mein aik nukta hy.
Is ko khub samajh lain k har dainay wala apnay maqam k mutabik daita hy yahan bhe aisa he moamla hy Allah daina chata hy hamary amaal k mutabiq nai bal’k apni shan k mutabiq.
Farz krain k agar koi saail aa kr hum sy mangay tou hum apni haisiyat k mutabik ousy dain gy or agar wohi aadmi mulk k kisi ameer sy mangay tou wo ousy apni haisiyat k mutabiq dy ga…

Or agar wohi aadmi Saudi Arab k badshah sy ja k mangay tou wo aik hazar bhi daitay hoay sharmaey ga or wo ouay apni haiaiyat k mutabiq sy ga.
Jab duniya k baray log apnay maqam or haisiyat k mutabik daitay hein tou yahan sy ye baat samajh laini Chahiye k…
qayamat k din jab rozay ki Ibadat ka ajar Allah Ta’ala dy ga tou Wo bhi apni shaan k mutabik ata frmaye ga.
Rozy k ajar o swab ki koe had muqar’rar nai is baat ka andaza is hadees e mubarika sy lagaya ja sakta hy k…
Hazrat Abu Huraira r.a sy riwayat hy k
Aap S.A.WW ny frmaya,
“Ibn e Aadam ka har amal ous k leay kai guna barha diya jata hy yahan tk k aik naiki das guna tak or das guna sy saat sou guna tk barha di jati hy, lakin Allah ta’ala frmata hy k rozy ka moamla is sy juda hy kion k wo mery leat hy or main he is ki jaza doun ga”
Darasal dousri tamam naikiyan aadmi kisi na kisi zahiri fael sy injam daita hy.
maslan namaz aik zahiri amal hy nazar aany wali ibadat hy ia tarah hajj or zakat ka moamla hy lain roza is k baraks hy. Yeh aik mehfi amal hy jo faqat bandy or oua k Allah k darmiyan hy.
isi leay Alla ny is k swab ka moamla bhe apny or bandy k darmiyan rakha hy.
Ihsas Atta Ho