Batil Alert 65
* Batil or Resistance/Hamari Mazahmat*
Baaz aoqat ham khud apni apnay andar jhaank k khud apni haqeeqat ko waisay nai dekh paa rahay hotay k jaisay doosray hamein dekh k hamein hamari khami bata saktay hein. Aisay mein hamara doosray ko itni space dena k wo hamein bina jhijhak k hamari ghalti bata sakay, hamaray leay islah ka rasta kholta or hamein haq ke rah par agay barhata hy. Kion k ghalti pakar kar he oss par kam kar k aagay nikla ja sakta hy.
Hamari islah k leay millay hoay kisi bhe point k leay hamara andar sy ossay qabool karnay par tiyar na hona asal mein hamara khud par islah ka darwazay ko band karnay k mutradif hy. kion k jab qabooliat mein susti ya pass o paish ka izhar hamaray amal, rad e amal, ishray, harkat o saknat , chehray k ta’asurat sy hota hy tou samnay maojood shakhs hamari wo haqeeqat khol kar hamaray samnay nai rakh sakta jo ossay os waqt nazar aa rahi hoti hy or youn ham apna aap katnay or zaat per kaam k eham nukatay samjh k oun par working kar k safar ko taizi sy aagay barhanay k behatreen maoqay sy hath dho bethtay hein.
Batil hamein aglay shakhs ko itni space he nai dainay daita k wo billa jhijhak hamari rehnumai kar sakay or youn hamein wahan un points sy ashnai mill sakay jin mein phanssay honay sy khud ham bhe la ilm thay.

Check ourselves…!
Kia hamein bhe batil ny andar sy resistance par majboor tou nai kar rakha.
Agar aisa hy tou alert ho jayen…
Kion k dar asal ye Haq ke ashnai or eman ke quwat k leay batil ke resistance hy jo ye nai chahta k ap islah or ashnai paa k haq ke rah par agay nikal saken.
Is waar ko samajh kar is sy na sirf niklein bulky Haq ke raah par aagay qadam barrhatay hoay baatil ko nawaablay faramosh shikast dain.

Haq ka Allam Thamay Rakhna 