Alert 72
*Batil or Marfat e Waqia e Karbla*
?Aal e Muhamad S.A.WW ny aaj sy 1400 saal pehlay Karbla k maidan mein,
Imam e Aali Maqam, Hazrat Imam Hussian r.a ny apnay saray kunmbay, Rufaqa or Ehl o Ayal ko qurban keya tou Kalma e Haq bacha or ham tak paohnacha.
?Aaj ham musalman is waqia k baray mein na tou jantay hein or na he jan’nay ke koshish kartay hein.
?Sach tou hy k…
Dunia k kisi konay mein koe waqia roonuma ho ham poori tara sy dilchaspi letay hoay oske sari tafseelat bhe maloom karnay ke koshish kartay hein, or chahey os waqia sy muataliqa logon sy hamara koe rishta nahi hota magar ham un k dard ko mehsoos kartay hein.
?Dunia kisi khittay mein Muslim Ummah par zulm dhaya jana hamaray dil ko cheerta hy. Ham T.V par un ke khabr soun kar be chen ho jatay hein or ansoo bhe bahatay hein.
? Magar…
aisa kartay hoay hamein kabhi Karbla k Shaheed yaad nahi aye.
Kion k batil ny kabhi hamein jan’nay ka moaqa he nahi dia k akhir Maidan e Karbla mein Hamaray Piaray Nabi Hazrat Muhammad Mustafa S.
A.WW ke Aal e Pak par kia beeti.
Ham aansoo tou bahatay hein magar in ansou’on ko Gham e Hussain sy nissbat nahi hoti. Kion k ham tou jantay he nai k Gham e Shabeer hy kia. Or batil hamaray kisi gham ko kisi ansoo ko is gham sy nissbat panay sy mehroom rakhta hy or youn wo ansoo be moll he reh jatay hein jin ko Gham e Hussain sy Nissbat nahi hoti kion k ansoun ke qeemat tou Gham e Hussain sy Nissbat paa k teh hoti hy.
?Zara Sochiye…!
K ham Jin Hastion ke Azeem u Shan Qurbanion ke wajah sy Aik Muslim Ummah banay,
aaj hamein Unhi k baray mein jan’nay sy batil rok tou nahi raha…?
Kion k batil janta hy k…
K
Jiss par Waqia e Karbla ka Haq ayan ho jaye wo batil k shikanjay sy nikal jata hy or yehi tou wo chahta nahi.
Or isi wajah sy hamein Marfat e Karbla hasil karnay sy roknay k leay wo har tara k hathkanday azmata hy.
Maslan aik tarf…
andar kahin ye weham dalta hy k jaisay ye waqia or is sy Moutaliqa Hasstion k baray mein jan’na hamaray karnay ka kaam nahi.
Lehaza batil k jaal mein phanss kar ham khud bhe is Waqia k baray mein nahi jantay or agar koe hamein bataye tou ham os par shia honay ka label laga detay hein or khud shia honay ka label lagnay k darr sy is waqia k baray mein jan’nay sy inkar kar detay hein.
Or is tara ham Haq ke haqeeqat jan he nahi patay.
?Aaj ham zameen k aik tukkray k leay larrnay ya shaheed honay walon ko salam bhe paish kartay hein, un k aziz o aqarab k dukh mein shareek hotay hein or unke lashon ko parcham mein lapait ossay salute bhe kartay hein.
In Sab Shaheedon ko Hamara Salam !
Lekin…
agar Marka e Karbala ke Azeem Shaheedon ko salam paish karnay ke baari aaye tou hamein batil aa leta hy or ham kae tara ke heel o jujjat ka shikar ho jatay hein k…
kia abb yahan In Hastion ko salam paish karna banta hy ya nahi…
Salam, Islam or Salamti Jin Hastion k Dam Qadam sy hey ham Unhi hastion k baray mein na tou dil mein dard k ihsas paida honay daita hy or na he ye Aal e Pak k ham par keye Ehsan k ihsas dil mein utarnay daita hy.
?Hamaray dill aaj watan k naam par shaheed honay walon k leay tou phatt phatt jatay hein, ham unk halat e zindgi jan’nay mein bhe dilchapsi rakhtay hein magar Deen E Haq k Leay Shaheed honay walon k leay kahbhi hamari aankh sy aik aansoo bhe nai tapka.
Watan K Shaheedon ko Hamara Salam…!
Magar wo jo deen par qurban ho gaye Ham Un k baray mein janany ke zehmat he gawara nahi kartay.
Wo Jin Sy Hamara Haqeeqi Rishta hy, Jin ke wajah sy aj ham aik Ummat hein ham Un k baray mein jan’nay mein koe dilchapsi he nahi rakhtay.
?Batil hamein Waqia e Karbla ke sab tafseelat jan’nay sy rokta hy kion k agar…
ham ye tafseelat jan len gy tou ham par Haq Sach khul jaye ga or batil ko mounh chupanay ke jagah na millay ge or yehi batil nai chahta. Is leay na tou wo hamein khud sy is k baray mein koe ashnai panay ke koshish karnay deta hy or na he is iske ashnai ho janay par is ashnai ko aagay phelnay ke tarf mayel honay daita hy kion k marfat e karbla k ihsas dil mein outar jana he tou batil ka nanga pann pann, kamzori or booda pan sab par kholta hy.
Batil hamein soch mein youn phanssata hy k jaisay Waqia e Karbla k haqaiq jan’na firqa parassti ho jab k asal mein tou Marfat e Karbla he hamein firqa parassti sy bachati hy or yehi tou batil honay nahi daita.
?Ham kaisay nadan hein jo batil k hathon bewakoof ban jatay hein or ye nahi samjhtay k…
Hazrat Imam Hussain r.a tou Deen E Haq k Allambardar hein. Wo sirf aik mazhab k pairo karon k nahi balkay Wo har Haq par kharray rehnay walay k Imam e Aali Maqam hein tou ye kaisay ho sakta hy k wo deen e islam jissay bachanay k leay Unho ye azeem u shan Qurbani de thee Wo isi deen k andar he moajood kisi aik firqay o garoh k Imam hon.
Batil tou Marfat e Karbla hasil karnay roknay ke har soorat koshish karta hy…
Magar zara Sochiye…!
?Ham kaisay musalman hein…
Jo musalman tou kehlana chahtay hein…
Magar musalmaniyat qaim karnay k leay parha janay wala Kalma e Haq kis tara Aal e Pak ny Karbla mein buland keya or ye kalma ham tak kis tara poahancha ham ye ashnai he hasil nai karna chahtay…!
?Ham kaisay Allah k banday hein jo …
Allah k banday tou kehlana chahtay hein magar Allah k Banda honay ka jo Aala Tareen Mayar ,Maidan e Karbala mein Allah ke raza mein razi reh kar Allah k Muqarab Or Piary Bandon ny qaiyem keya ham osk baray mein kuch jantay tak nahi…!
?Ham kaisay Quran k Qari hein…
Jo Quran e Pak ko seenay sy tou lagana chahtay hein…
Magar Is Quran e Pak Ke Qirat ko Nok e Sinan par sounaney walay Qari Piaray Aaqa O Mola Hussain r.a k Kirdar ke azmat ko nahi janatay or kae bar tou jaan kar beh nahi maantay…!
?Ham kaisay deen k allambardar hein jo…
Aaj Deen ka parchar galli galli kar k izat or takreem tou kamana chahtay hein magar oss deen ka parcham sar buland kiss ny keya, kaisay keya, kabb keya, kahan keya or kia kia loota kar keya…
ham ye jaan’na he nahi chahtay…!
Zara Sochiye….!
?Ham kaisay Ummati hein jo…
Ummati tou kehlana chahtay hein parr Ummat k Sardar S.A.WW ke Aaal kis tara Nana S.A.WW k Deen Par Maidan e Karbala mein Qurban ho gaye ham ye Dastan e Haq soun’nay mein dilchapsi he nai rakhtay…!
Zara Sochiye…!
? Ham kaisay Shifa’at k Daweydar hein…
Jo Piaray Aaqa Hazrat Muhammad Mustafa S.A.WW k ummati honay k natay Shifat par tou apna haq samjhtay hein, magar ye Shifa’at Piaray Aaqa E Dou Jahan S.A.WW ke Jis Aal e Pak k Qadmon ke Khak K sadqay hamein naseeb hoge ham Osi Aal e Pak ka Haq k Allam ke Sarbulandi k leay Maidan e Karbal mein shaheed ho janay ka waqia soun’na he nahi chahtay…!
Zara Sochiye….!
? Ham Kaisay Ghulam hein…
Jo Ghulami ke dawey tou kartay nahi thaktay parr…
Wo Piaray Aaqa Hazrat Muhamamad Mustafa S.A.WW Jin ke Ghulami ka hamein dawa hey ham Ounhi ke Aaal e Pak k Dukh, Dard or Gham k ashnai k ihsas bhe dil mein nai outarna chahtay…!
?Zara Sochiye…!
Ye kaisi Ghulami hy jiss mein…
Ik Ghulam ko Apnay Aaqa S.A.WW K Gham ke na tou ashnai ho or na os gham mein shareek honay k ihsas…?
Kia yehi hy Ghulami… ?
Kia yehi hy Ghulami k dawey ke haqeeqat…?
Kia Ghulami ka Laaj nibhanay ka andaz yehi hy…?
Zara Sochiye…!
?Ham kaisay Ghulam hein jo Aaqa e Dou Jahan S.A.WW k Ghulam tou kehlana chahein…
Un k Qadmon ke Khak ka taj bana kar tou sar par sajana Chahein magar Karbla ke Khak Par 72 Pak Tann kaisay lout gaye ham oss sy be khaber rahein or os be khabri par hamein ihsas e nadamat or ihsas e ziyan bhe na ho…!
Zara Sochiye…!
?Ham Kaisay Ghulam hein jinhein Apnay Aaqa par apni jan or ouladein loutanay ka tou dawa hy…
Magar jab Apnay he Aaqa S.A.WW k Piaray Baitay Hazrat Imam Hussain r.a or Unk khandan, Aal e Pak or Rufaqa ke Qurbanion ka tazkira ho tou ham wo ziker bhe soun’na na chahein…
Agar soun len tou be-buniyad sawalon or batil sochon mein phanss kar reh jayen or Marfat e Haq sy mehroom reh kar batil ke sar khushi ka saman kartay rahein…!
?Aye Piaray Aaqa e Dou Jahan S.A.WW K Ummatio…!
Ummat ke kashti jo bhanwar sy nikal k laye thay Un 72 Pak Tan ke janib rukh Kar lo k isi mein falah hy…!
?Aye Ghulami K Daweydaaro…!
Apnay Piaray Aaqa Hazrat Muhammad Mustafa .S.A.WW ke Aal e Pak ke marfat sy ghaflat choro k
Isi marfat mein baqa hy isi mein bhalai hy…
isi mein behtari or nijat ka raz chupa hy.
Or isi mein batil ke shikast hy.
?Aayen…!
Waqia e Karbala k ihsas e ashnai apnay dillon mein utar kar or iske marfat k ihsas aagay phela kar apnay hissay ke shikast batil ko de kar apnay daira e kar mein Haq ka Allam buland kar k Umati o Ghulam honay ke laaj nibhanay ke koshish karen.
Shah Asst Hussain a.a…
Badshah Asst Hussain a.a…
Deen Asst Hussain a.a…
Deen Panah Asst Hussain a.a…
Sar Dad Nadad Dast Dar Dast e yazeed…
Haqa k Bina e La Illah Asst Hussain a.a…
?? ? ?
Haq ka Allam Buland Rakhna