Alert 73
*Batil or Na Shukri*
Hamari zindgi k khushi k moamlat or mou’waqey par batil hamein Allah k samnay shukar guzar honay sy rokta hy. Or aisay mein ham Allah k karam sy nawazey janay par Allah ka shukar karnay ke bajaye apas k ikhtilafat or ana ka shikar ho kar shukar k ihsas kho detay hein. Hamari nazar oss ata par nahi rehti jiss k leay ham ny khud he Allah k hazoor arzian paish ke hoti hein or rou rou k duayen maangi hoti hein.
Allah ke tarf sy apnay bandon par honay wali kisi bhe ata k moaqay par bandgi ka taqaza ye hota hy k banday Apnay Malik ka shukar baja layen.
Shukar dil ke halat ka naam hy. Or shukar k ihsas ka dil mein maojood hona un k amal or moamlat sy zahir bhe hota hy. Kisi qism ka koe gilla, shikwa dil mein na ho balkay dill sachai sy Allah k samnay jhuka ho k ye tou osska karam or meharbani hy werna ham kahan is qabil thay k ye ata hoti. Is tara sy halat e shukar mein rehna he Allah k han pasandeeda hy or is par Wo khush ho k apnay bandon ko zaida nawazta hy.
Batil aisay maoqay par hamein kisi bhe tara ke be maani uljhan or zaat k jaal mein phanssa kar hamaray dil ke halat ko kharab kar deta hy. Ham na shukri k murtakib hotay hein or janay anjanay mein Allah ke narazgi moll letay hein.
Or yehi osske chal hy k Allah k bandon ko Allah k samnay jhuknay na de. Wo Allah k bandon ko bhatka k unhein Allah k samnay jhuknay sy rokta hey ta k wo bhe Allah ke raza sy mehroom ho jayen.
Aisay kisi bhe moaqay par sachay dil sy Allah ka shukar ada kar k or zaat k jaal sy bahir nikal kar batil k aisay parkhachay urrayen k osko mounh chuppanay ke jahag na millay.
Haq ka Allah Bulanad Rakhna?