*~Khashou k Baatnii Ousaaf~*
Hazrat Imaam Gazali r.a ny Haya ul aloum mein
khashou k 6 baatni ousaaf or in k hasoul k asbaab biyaan farmaye hein.
1… Hazoor Qalb
2… Tafheem
3… Tazeemm
4… Haybat
5… Rijaaa
6… Hayaaa
*Hazoor e Qalb*
pehla wasf Hazoor e Qalb hy. yani jis kaam mein Aadmi mashgoul ho or jo baat kr raha ho is k ilawa koe baat is k dil mein na ho. yani dil ko fael or qoul dono ka ilm ho or in dono k ilawa kisi bhe cheez mein ghoir o fikar na krta ho.. chahy is ke quwat fikriya is kaam sy hatany mein masrouf he kion na ho..
Hazoor e dil ka sabab….
Hazoor e dil ka sabab is ki himat ( fikr ) hy.
insan ka dil hamesha is ke fikr k taaby rehta hy.
jo baat aadmi ko fikr mein dalti hy wohi dil mein hazir rehti hy, ye fitri baat hy k fikr waly kaam mein dil khud bakhud hazir rehta hy.. insaan ka dil agr namaz mein hazir na ho ga to bekaar nahi rahy ga bal k jis kisi or cheez mein is ki fikr masroof ho gi, is ka dil bhe idhar he Hazir ho ga..
Namaz mein Hazoor e dil paida krny ka is k ilawa koe tareeka nai k aadmi fikar ko namaz ke taraf phair dy.. or yeh bhe ho sakta hy jb dil mein is baat ka yakeen betha diya jaey k aaakhrat ke zindagi he behtar or paaidaar zindagi hy… or is k hasool ka zareya namaz hy phir is mein dunia ke na paaidaari ka tasawar bhe shamil kr liya jaey to Hazoor e Qalb ke sift paida ho jaey…
kitni ajeeb baat hy k jb ham log dunia k baadshahon k pas jaty hein jo na hamen faida pohancha sakty hein or na hamein nuqsaan pohancha sakty hein..
tou hamara dil hazir hota hy or ham wohi baat sochty hein jo is mouqy k leay munasib ho or jb ham badshahon k shah sy manajaat krty hein..
jis k Qabza Qudrat mein malik or Malkout hein or jis k akhtiyaar mein nafa nuqsaan hy to hamara dil hazir nahi hota is ka sabab sirf Imaan ke kamzori hy is k ilawa kuch nahi hy
lehaza imaan ko mazboot or pukhta krny ke koshish krni chahiye..
2. *Tafheem*
Dousra wasf Tafheem hy.
yani kalam ka mani samajhna..
ye Hazoor e qalb sy mukhtalif aik cheeze hy..
kbhe kbhe aisa hota hy k dil lafz k sath hazir hota hy lakin mani k sath hazir nahi hota,
Feham sy muraad ye hy k dil mein in alfaz k mani ka bhe ilm ho.
yeh aisa wasf hy jis mein logon k darjaat mukhtalif hein kion k Qurani Aayaat or Tasbehaat k mani samajhny mein tamaam logon ka fehm yaksaan nahi hota. boht sy lateef mani aisy hoty hein jinhen namazi namaz k doran samajh laita hy. halan k kharij namaz mein kbhe is k dil mein in mani ka guzar bhe na hoa hota tha..
isi waja sy namaz buraai or fahashi sy rukny ka sabab banti hy k namaz aisi batein samjha daiti hy k aadmi burai sy bach jata hy..
“TAFHEEM K ASBAB”
zehan ko mani k idraak ke taraf morny ke tadbeer wohi hy jo Hazoor e qalb ke hy lakin is k sath he aadmi ko ye chaheay k wo apni fikr pr mutawajha rahy or in k waswaso k door krny ke koshish kry jo is k fikr ko mashgol krty hen. in waswaso k azaaly ke tadbeer yeh hy k jo kuch mawad in waswaso sy mutalik pass ho isy apny sy door kr dy. yani jin cheezon sy waswasy paida hoty hein in mein sy koe cheeze apny pass na rakhein jb tk yeh mawad door na ho ga waswasy khtm na hon gy kion k insan jis cheeze ko ziada chahta hy is ka zikr bakasrat krta hy or wo cheeze is k dil pr hajoum krti hy.
is leay ap dekhty hein k jo shakhs ghair Allah sy muhabat rakhta hy is ke koe namaz waswason sy khali nai hoti….
3 *TAZEEM*
Teesra wasf Tazeem hy yani insan jis Aaqa k samny khara hy is ke azmat ka ihsas dil mein ho..
ye Hazoor qalb or tafheem sy mukhtalif aik sift hy…
ham yeh daikhty hein k yeh shakhs apny ghulam sy guftagou krta hy wo hazoor e qalb k sath guftagoo kr raha hy or wo apny kalam k maani bhe samajh raha hy lakin is k dil mein ghulam ke tazeem nahi hoti, is sy maloom hoa k tazeem Hazoor e dil or fehm sy alag koe cheeze hy….
“TAZEEM K ASBAAB”
tazeem in 2 haqeeqaton ko jan’ny sy paida hoti hy:
AWAL…
Allah Sohny ke azmat or jalalat ke ma’arfat,
yahi ma’arfat imaan ke asal hy kion k…
jo shakhs is ke azmat ka mutakid nai ho ga.. is ka nafs Khuda k samny jhukny sy guraiz kry ga….
DOUM…
nafs ke haqarat or zillat ke ma’arfat, or is ke haqeeqat ke ma’arfat k bandy ka nafs mamlook hy ajiz o maskhar hy…
in dono haqeeqaton ke ma’arfat sy nafs mein tawazo, inksaari, or khashou paida hoti hy, is ko taazeem bhe kehty hein..
jb tk nafs ke haqarat or zillat ki ma’arfat ka takabik khuda ta’ala ki azmat or jalalat ke ma’arfat sy na ho ga…
Tazeem or khashou paida nahi ho ga….
4. *HAIBAT*
choutha wasf haibat hy…
ye tazeem sy bhe Aala aik wasf hy kiin k haibat is khof ko kehty hein jis mein tazeem bhe ho…
jo shakhs khof zada na ho isy haybat zada nahi kehty..
isi tarha bichou or ghulam ke badmizaji sy khof khany ko haibat nai kehty… bal’k badshah sy khof khany ko haibat kehty hein…
iska matlab yeh hy k haibat is khof ka naam hy jis mein tazeem ho..
“HAIBAT OR KHOUF KA SABAB”
Haibat or khouf nafs ke halat ka naam hy ye halat is haqeeqat k jan’ny sy paida hoti hy k khuda ta’ala Qadir Mutlik hy…
is ke har khawish or is ka har irada nafiz hota hy..
Allah ta’ala ke be niazi ko socha jaye….
yeh k agar Allah ta’ala aglon pichlon sb ko halaak kr dy tou is ke saltanat mein sy aik zara bhe kam na ho ga phir is baat ko sochein k Malik ul Mulk ke ajeeb hikmatein hein k baaz ouqaat anmbiyaa a.s or ouliyaa karam pr to tarha tarha k masaaib nazil hoty hein jab k Wo Allah k muqarib bandy hoty hein is k bar’aks dunia parast badshah tarha tarha ke rahatein paaty hein, algharz in amoor ka ilm aadmi ko jitna ziada ho ga….
Allah ta’ala ke haibat or khouf mein is qadar izafa ho ga..
5. *RIJAA*
Panchwan wasf Rijaa hy….
Rijaa mazkora bala charon sy osaaf sy alag aik wasf hy…
Bohat sy log aisy hein jo kisi badshah ke tazeem krty hein or is sy darty bhe hein lakin is sy kisi qisam ki koe tawaqoo nai rakhty…
Bandy ko chahiye k wo apni namaz sy Allah sy ta’ala ajar o sawab ki tawaqoo rakhy, gunah or is pr muratib hony waly azab sy khouf zada rahy…
“RIJAA K SABAB”
Rija ka sabab yeh hy k aadmi Allah ta’ala k Altaaf o Karam sy waqif ho or yeh jany k bandon par is k be payaan inamaat hein….
is ka bhe yakeen rakhy k namaz parhny pr is ny jannat ka wada kia hy… is mein wo sacha hy ..chunachy jb wada pr yakeen ho ga….
or is ke inayaat sy waqfiyat hasil ho jaey gi to Rijaa paida ho ge….
6. *HAYA*
chhata wasf hayaa hy.yeh sift mazkora bala osaaf sy alag hy…
hayaa ka maqsad ye hy k banda apni galti sy waqif ho or apny qasoor pr mutnaby ho….
tazeem , khouf, rijaa wagera mein ye imkaan hy k hayaa na ho yani aadmi ko apni taqseeron or kotahion ka khiyal or gunah k irtkaab ka ihsas na ho ga to zahir hy k haya na ho gi….
“HAYA K SABAB”
Haya ka sabab yeh hy k aadmi yeh samjhy k main ibadat mein kotahii krta hon, Allah ka jo Haq mujh pr hy is ki baja aawri sy ajiz hon or isy apny nafs k ayoub, nafs ke afaat or ikhlas ke kami, batin ke khabasaat or nafs k is rujhaan k tasawar sy taqweet dy k wo jald hasil ho jany waly aarzi faaidy ke taraf maail hy..
is k sath he ye bhe jany k Allah ta’ala ke azmat or jalalat e shaan ka taqaza kia hy?
is ka bhe aitkaad rakhy k Allah ta’la hamary dil k khiyalaat sy khaw wo kitny he makhfee kion na hon….aagaah hy.
jb yeh sb marfatein hasil hon gi to yaqeenan aik halat paida ho gi jisy hayaa kehty hein.
Ihsas Atta Ho.