Khushboo Sy Mutaliq Piary Aaqa S.A.WW Ke Sunnat
1* Hazrat Anis r.a sy marvi hy k Aap S.A.WW ny farmaya k
“Duniya mein mujhy teen cheezain mehboob o pasand hein…
i. Aourat
ii. Khushboo
iii. Namaz k yeh meri aankhon ke thandak hy”
2* Aap S.A.WW kabhe khushboo k hadiya ko wapis nai farmaty thy.
3* Aap S.A.WW ba kasrat khushboo ka istamaal krty.
4* Aap S.A.WW ko khushboo or itar bohat pasand tha.
5* Aap S.A.WW Tahajud k waqt itar ka istamaal krty.
6* Aap S.A.WW is baat ko pasand nai farmaty thy k majlis mein bila itar o khushboo tashreef ly jaein.
7* Aap S.A.WW ko khushboo mein Oud or mushk sub sy ziada pasandeeda tha.
Khushboo O Itar Sy Mutaliq Piary Aaqa S.A.WW Ke Chand Ahadees E Mubarika
Haxrat Abu Mosa r.a sy marvi hy k Aap S.A.WW ny farmaya k,
“Jo aourat itar o khushboo lagaye or logon k pass sy guzry k log ous ke khushboo paaein tou wo zaniya or har aankh zina kaar ho gi”.
Hazrat Abdullah Bin Umer r.a sy riwayat hy k, “Jannat ke khushbo’oun ke sardar hina hy”.
Hazrat Abu Usman Mehdi riwayat krty hein k Aap S.A.WW ny farmaya k,
“Jis shakhs ko Rayan deya jaye ous ko chahiye k lotaye nai is leay k is ke asal jannat sy nikli hy”.
Abu Saeed ke riwayat hy k Aap S.A.WW sy mushk k bary mein poucha gaya tou Aap S.A.WW ny farmaya wo tamam itron mein sub sy behtar hy.
Khushboo O Itar Sy Mutaliq Chand Batein
1* Khushboo lagana Piary Aaqa S.A.WW ke sunnat hy.
2* Khushboo lagany ka koe waqt muqarar nai.
3* Jumma k din naha dho kr khushboo laga kr masjid mein jana mustahib hy.
4* Zikar ke mehfil mein khushboo laga kar jana sunnat hy.
5* Piary Aaqa S.A.W.W k jism e athar sy qudrati khushboo aati thee.
6* Bivi ko apny shohar ko khushboo lagana sunnat hy.
7* Aourat apny shoahar ko khush krny k leay khushboo laga sakti hy, ghair mardon ko apni taraf raghib krny k leay lagany sy mana farmaya gaya hy.
8* Mard or aourat ke khushboo mein farq hy. Mard jo khushboo istamaal kry ous ka rang halka magar khushboo taiz ho or aourat jo khushboo istamaal kry ous ka rang taiz or khusboo halki ho.
9* Khushboo ka tohfa daina or qabool krna sunnat hy.
Surmy Sy Mutaliq Aap S.A.WW ka Uswa E Hasna
● Aap S.A.WW sony sy pehly surma lagaya thy.
Hazrat Abdullah Bin Abbas r.a sy riwayt hy k Aap S.A.WW k pass surmy dani thee jis sy Aap S.A.WW sony k waqt teen teen silaai donon aankhon mein surma lagaya krty thy.
● Aap S.A.WW taaq adad mein surma lagaya krty thy.
Hazrat Abu Huraira sy marvi hy Aap S.A.WW ny farmaya k,
“Jo surma lagaye wo taaq adad mein lgaye aisa kry tou behtar hy warna koe harj nai”.
● Aamad ka surma Aap S.A.WW ka pasandeeda surma tha.
Hazrat Jabir r.a sy marvi hy k Aap S.A.WW ny farmaya k
“Asmad ka surma zaroor dala kro yeh nigah ko roshan krta or palkein bhe khoub ugata hy”.
● Safar mein surma ka ehtamam or surma dani saath rakhna sunnat hy.
Hazrat Ayesha r.a farmati hein k 5 cheezain Aap S.A.WW na safar mein chorty thy na hazar mein…
i. Aaina
ii. Kanghe
iii. Surma dani
iv. Tail
v. Miswak
SURMA LAGANY K TEEN MASNOON TAREEQY
Aap S.A.WW sy surma lagany k teen tareeqy masnoon hein.
i. Dono aankhon mein teen teen silaai surma lagana
ii. Daaein mein teen or baaein mein do silaai lagana
iii. Dono aankhon mein do do lagaye or phir aik dono mein mushtarik.
Tail, Kanghee Sy Mutaliq Aap S.A.WW ka Uswa E Hasna
● Kasrat sy tail lagana sunnat hy.
Hazrat Anis r.a sy riwayat hy k Aap S.A.WW kasrat sy tail lagaya krty or daarhi ko pani sy sanwarty.
● Nafeh Qureshi r.a kehty hein k Aap S.A.WW ny farmaya…
“Jo tail lagaye or Bismillah na parhy tou satar shayateein ous k sath shamil ho jaty hein”.
Haxrat Umer r.a sy manqool hy k Aap S.A.WW din mein do martaba tail lagaty thy.
TAIL LAGANY KA MASNOON TAREEQA
Piary Aaqa S.A.WW ny farmaya k,
“Tum mein sy jo koe tail lagaye tou banwoun sy shuru kry is sy sar ka dard dour ho jata hy”.
Msg 2
Hazrat Qitada r.a sy riwayt hy k ounhon ny poucha k mery baal hein tou main keya main in mein kanghee kron…
tou Aap S.A.W W ny frmaya k haan baalon ka ikram kro in mein kanghi kr k.
Aik riwayt hy k Aap S.A.WW har roz din mein do martaba kanghee krty thy.
Hazrat Anis r.a sy riwayat hy k Aap S.A.WW k leay soty waqt miswak, wazoo ka pani, or kanghee rakh di jati phir jab Aap S.A.WW baidar hoty tou miswak farmaty, wazoo farmaty, kanghee farmaty.
Riwaya hy k Aap S.A WW ny nagha kr k kanghee krny sy mana farmaya hy.
● Tail, kanghee or aaina pass rakhna maanoon hy.
Hazrat Ayesha r.a farmati hein k Aap S.A.WW aaina, kanghee, miswak, tail or surma daani hamesha apny saath rakhty.
SAR MEIN KANGHEE KRNY KA MASNOON TAREEQA
● Hazrat Ayesha r.a sy marvi hy k Aap S.A.WW kanghee, jouta or wazoo mein daaein sy ibtada farmaty*.
EXERCISE QUESTIONS
MCQ’s /5
1. Tail lagana shuru krna chahiye….
a) Hathon sy
b) balon sy
c) bhan’woun sy
2. Piary Aaqa S.A.WW ny farmaya,
Balon ka ikram kro….
a) kanghee kar k
b) tail laga kr
c) katwa kar
3. Surma lagana chahiye…
a) brabar tadaad mein
b) taaq tadaad mein
c) aik mein kam auk mein ziada
4. Jannat ke khushboun ke sardar hy…
a) rayan
b) hina
c) mushk
5. kis khushboo ke asal jannat sy nikli hy…
a) hina
b) mushk
c) rayan
Fill in the Blanks /5
1. Piary Aaqa S.A.WW k jism e Athar sy _______ aati thee.
2. Aap S.A.WW ko _____ or ______ ke khushboo pasand thee.
3. Kasarat sy tail lagana ________ hy.
4. Aap S.A.WW din mein _______ dafa kanghee karty.
5. _______ ka surma _______ ko roshan karta hy.
True / False /5
1. kanghee nagha kar k karni chahiye.
2. Bina Bismillah parh k tail lagany sy shaitan shamil ho jaty hein.
3. Aap S.A.W.W har qism ka surma lagana pasand farmaty thy.
4. Aourton ko ghair mardon ko apni taraf raghib karny k leay khushboo lagany sy mana nai keya geya.
5. Aap S.A.WW khushboo k hadiye ko pasand farmty thy.
Short Answer Questions /15
Q1.Tail lagany ka msnoon tareeqa kia hy?
Q2. Aap S.A.WW konsi 5 cheezain safar mein sath rakhty thy?
Q3. Hadees e mubarika ke roahni mein btaein Piary Aaqa S.A.WW ny khushboo lagany wali aourat k bary mein kia farmaya hy?
Q4. Surma lagany ka masnoon tareeqa btaein
Q5. Mard o aourat ke khushboo mein keya farq hy?
ANSWER SHEET
MCQ’s
1. (c)
2. (a)
3. (b)
4. (b)
5. (c)
Fill in the Blanks
1. Qudrati khushboo
2. Oud / Mushk
3. Sunnat
4. Do dafa
5. Asmad / nigah
True/False
1. ✖
2. ✔
3. ✖
4. ✖
5. ✔
Short Answer Questions
1. Piary Aaqa S.A.WW ny farmaya k,
“Tum mein sy jo koe tail lagaye tou banwoun sy shuru kry is sy sar ka dard dour ho jata hy”.
2. Aaina , kanghee, surma dani, tail or miswak
3. Aap S.A.WW ny farmaya…
“jo aourat itar o khushboo lagaye or logon k pass sy guzry or log ous ke khushbio paaein tou wo zania hy or har daikhny wali har aankh zina kaar ho gi”
4. Aap S.A.WW sy surma lagany k teen tareeqy masnoon hein.
?i. Dono aankhon mein teen teen silaai surma lagana
?ii. Daaein mein teen or baaein mein do silaai lagana
?iii. Dono aankhon mein do do lagaye or phir aik dono mein mushtarik.
5. Mard or aourat ke khushboo mein farq hy. Mard jo khushboo istamaal kry ous ka rang halka magar khushboo taiz ho or aourat jo khushboo istamaal kry ous ka rang taiz or khusboo halki ho.