Washroom Mein Dakhil Hony Or Nikalny k Aadaab
Islam ny safaai or taharat ke jitni takeed ke hy kisi or mazhab mein nahi ke gae.
Ibadaat or khas tor par namaz ke qabooliyat ka daromadar taharat par hy.
Isi leay Piary Aaqa S.A.WW ny ummat ko baitul khala meun jany or bahir aany ka tareeqa bhe bta deya hy.
Is leay jab koe baitul khala mein daakhil ho tou yeh dua parhy…
Aey Allah main khabees jinno or jin’nion k shar sy panaah maangta hon.
Baitul khala sy nikalty hoay yeh dua parhein.
Sab hamd Os Allah k leay jos ny mujhy aziyat sy bacha kar aasani farmaai.
Is sy zaahir hota hy k baitulkhala mein shaitaan jinn hotay hein jo dillon mein shar or gunaah daaltay hein.
Daakhil honay ke dua sy Allah oun k buray asraat sy mehfooz rakhta hy.
Baitul khala mein jaty hoay in baton ka khiyal rakhna zaroori hy.
1* Andar dakhil hoty waqt pehlay ulta paoun andr rakhein.
2* Bahir Nikalty hoay pehlay seedha paoun bahir rakhein.
3* Qibla ke taraf munh ya pusht na ho
4* Sar dhak kar or jouta pehn kar jana.
5* Koe aisi cheeze andr ly kar na jaein his par kalma ya koe aayt likhi ho
6* Bila zaroorat koe baat na krain
7* Kisi ko andr sy na salam krain na jawab dain
8* Bila zaroorat na khansain
9* Agar cheeink aaye tou Alhamd o lilah na kahein
10* Is baat ka khiyal rakhein k kapron ya badan par cheentay na parain.
Cheenk or jamaai k Adaab
1. jb cheenk aaey tu ALHAMDU LILLAH kehna chaaheay ya ALHAMDU LILLAH HI’ RAB’ BIL AALAMEEN kehna chaheay…
2..Piyary AAQA SAWW ny farmaeya…
Byshak ALLAH cheenk ko pasand farmata hy or jamaaee ko na pasand farmata hy jb tum mein sy kisi ko cheenk aaey or wo Alhamdu Lillah kahey tu har sun’nany waly musalman pr haq hy k is sy Yar hamukillah kahy..
Agr jamaee aey tu ye shaitaan ki taraf sy hy jb tum mein sy kisi ko jamaee aey tu jahan tk ho saky isy roky.. kiun k jb tum mein sy kisi ko jamaee atee hy tu shaitaan isy dekh kr hansta hy…
(Bukhaari)
3.. cheenk ka jawab dena wajib hy jb k cheenkny wala “Alhamdu Lillah” kahy jawab foran den or itnee awaaz sy den k cheenkny wala sun ly jawab sirf aik martba wajib hy..
4…agr kisi ko kuch faasly pr ya dosry kamry mein jahan beech mein dewaar hail ho. cheenk aey or wo Alhamdu lillah kahy or ap soun len tu is k jawab mein yarhamo killah kahen..
5… AAP SAWW ny farmaeya k jb tum mein sy kisi ko cheenk aey tu Alhamdu lillah kahy or iska bhae ya sathi is sy Yarhamukillah kahy jb wo is sy suny tu cheenkny wala kahy “YAHDEEKUM UL ALLAH HUO WA YUSLYHAA BAALAKUM” kahy.. (Bukhari)
6.. jo shakhs buland awaz sy cheenkny k waqt Alhamdu Lillah na kahy tu iska jawab na den kiun k is ny ALLAH ki hamd nahi ki is leay jawab zarori nahi…
7.. AAP SAWW ko jb cheenk atee tu Apny CHehry ko Haath ya Kapry sy chupa lety or awaaz ko past rakhny ki koshish krty or sath hee ALLAH ki Hamd biyaan farmaty..
8…Hazrat Abu Hurera r.a ny farmaeya apny bhaee ko 3 dafa cheenkny pr jawab do agr is sy barhy tu wi zukaam hy..
(Abu daoud)
9… agr ger muslim ko cheenk aey or wo Alhamdu Lillah kahy tu is k jawab mein Yarhamukillah naa kahen bal’k ye kahen ALLAH tujhy Hadayat dy..
10..Hazrat Abu Hurera sy rewayat hy k AAP SAWW ny farmaeya k jb koe baat ki jaey or cheenk aa jaey tu wo haq hy.
Msg 2
11.. Hazrat Wasila R A sy riwayat hy k
AAP SAWW ny farmaeya jb kisi ko dikaar ya cheeink aey tou awaz buland na kry k shaitan ko yeh baat pasand hy k awaz buland ki jaey ..
(Shebul Imaan)
12…cheenkny wala deewar k peechy ho tab bhe jawab dein.
13 Khutba k waqt kisi ko cheenk aaye tou iska jawab na dein
14..agr kisi mehfil mein mojoud hon tu kuch logon ny jawab dy dea tu sb ki taraf sy jawab ho gia..
mgr behtar yahi hy k saary jawab den..
15..Nimaz k doran cheenk aey tu Alhamdu Lillah na kahen ..
Ap khud nimaz parh rahy hen or kisi ko cheenk aee or ap ny jawab dy dea tu apki nimaz fasid ho gae..
16…cheenk or jamaee ka ikhlaqi adab ye hy k jb cheenk ya jamaee aey tu logon k samny na monh kholy or na zeada awaz kre bal’k monh pr haath rakhy or awaaz ko past kre tan’k paas bethny waly cheenk kr jamaee sy tabiyat pr bura asar na len.. aik Bazurg ka qol hy k cheenk k waqt sir jhuka lo or monh chupa lo or awaz ko past kr lo yahi ALLAH ko pasand hy..
Jamaee ko rokny ka tareeka
17.. Hazrat Abu Saeed Khidri R.A sy rewaeyat hy k AAP SAWW ny farmaeya jb tum mein sy kisi ko jamaee aey tu monh pr haath rakh kr isy roky
Kiun k shaitan andar dakhil ho jata hy…
18.. jamaee shaitan ki taraf sy hy jb banda jamaee mein monh kholta hy shaitan monh k andar ghus jata hy banda haahaa ir qaah’qaaah ki awaz nikalta hy tu shaitan qehqah maar ke hansta hy jamaee ko rona chaheay..
jb jamaee aney lagy tu oupar k danton sy nichly hont ko dabaen ya ultey haath ki pusht monh pr rakh den..
19… agr nimaz mein qiaam ki halat mein jamaee aey tu seedht haath ki pusht monh pr rakhen or baki arkaan mein ultey haath ki pusht.
20… jamaee rokny ka aik tareeka ye bhee hy k jb kabhee jamaee anaa shru ho tu foran dil mein khyaal kren k Anbiyaa A.S ko jamaee kabhee nahi atee ya yahi tasawr kr len PIYARY AAQA SAWW ko kabhee jamaee nahi aee kiun k jamaee shaitan ki taraf sy hoti hy or Anbiyaa A.S shaitan k asar sy mehfooz hen InshAllah jamaee foran ruk jaey gee.
EXERCISE QUESTIONS
MCQ’s /5
1. Washroom mein qibla rukh nai hona chahiye…
a. munh
b. pusht
c. dono
2. Cheeink aany par jo Alhamd o lil’lah kahy ous ka jwab daina
a. jaaiz hy
b. wajib hy
c. mana hy
3. Washroom mein dhaanp kar jana chahiye,
a. sar
b. munh
c. jism
4. Piary Aaqa S.A.WW ko nai aati thee,
a. neend
b. cheeink
c. jamaaei
5. washroom sy kisi ko na dain,
a. salam ka jwab
b. saban
c. kapry
Fill in the Blanks /5
1. Baitulkhala jaisi gandi or napaak jagah par ____ or ___ k asraat hoty hein.
2. Ibadaat ke qabooliyat ka daromadar _____ par hy.
3. Dua k waqt cheeink ka aana dua ke _____ ke daleel hy.
4. Namaz mein qayam mein jamaai ko ____ hath ke pusht sy rokna chahiye.
5. Allah ny ____ ko pasand farmaya or jamaaei ko _____ farmaya.
True / False /5
1. Washroom mein jaty hoay pehly dayan or nikalty hoay bayan paoun bahir rakhein.
2. Washroom mein qurani aayaat wali cheezain sath ly jany sy mana keya geya hy.
3. Jamaaei shaitani amal hy.
4. Jamaaei ko rokny k leay ouper k daanton sy neechly hont ko daba lain.
5. Cheeink ka jwab ounchi aawaz mein daina chahiye.
Short Answer Questions /15
1. Washroom jany or nikalny ke dua keya hy?
2. Washroom jaisi gandi jagah pr dua ka parhna kion zaroori hy?
3. Jamaaei ko rokny ka tareeqa keya hy?
4. Namaz mein jamaaei ko kaisy roka jata hy?
5. Ghair muslim ke cheeink ka jwab kis tarah daina chahiye?
ANSWER SHEET
MCQ’s
1. (b)
2. (b)
3. (a)
4. (c)
5. (a)
Fill in the Blanks
1. shayateein / jinnat
2. taharat
3. qabooliyat
4. seedhy
5. cheeink / napasand
True/False
1. ✖
2. ✔
3. ✔
4. ✔
5. ✖
Short Answer Questions
1. Dakhil hony ke dua
Tarjuma….
Aey Allah main habis jino or jin’non k sharr sy panah maangta hon.
Bahir nikalny ke dua.
Tarjuma….
sub hamd Oss Allah k leay jis ny mujhy aziyat sy bacha kr aasani farmaei.
2. kion k aisi gandi jagah par hum kuch dair k leay zikar Allah sy ghafil ho jaty hein or aisi jagah par shaitan or jinnat k asraat bohat hoty hein jo dilon mein sharr or gunah dalty hein.
3. Jamaaei aany lagy tou ouper k daanton sy nichly hont ko daba lain ya ulty hath ke pusht munh par rakhein.
4. Namaz mein rakoo k doran jamaaei ko rokny k leay seedhy hath ke pusht munh par rakhein or baqi arkaan mein ulty hath ke pusht.
5. Ghair muslin cheeink aany par Alhamd o lilah kahy tou ous k jwab mein Yarhamukillah na kahein balky yeh kahein Allah tujhy hidayat dy.