*~*Step 5 Krwany K Maqasid*~*

●Is step ka naam hy,
“Zara Parda Tou Hatao”

“Zara Chehra Tou Dikhao”

1. Is step ka maqsad zindgi k bazahir phanssay hoay ya napasandeeda moamlaat mein nazar na anay wali behtari or bhalai ko talash karna sikhana hy jo k Allah ke taraf sy ous moamly mein chuppi hoe hoti hy.

2. Yeh step karnay sy yeh ihsas or yaqeen mazboot hota hy k Allah hamaray leay hamaisha behtreen faisla karta hy or Wo hamaray leay behtareen k siwa kuch nai karta, chahy bazahir hamein ous waqt kisi maomlay mein apny leay behtari nazar aaye ya na aaye…
magar dar haqeeqat ous moamlay mein Allah ke koe na koe behtari mojoud zaroor hoti hy.

3. Is step ko karwaty hoay kisi bhe moamlay mein chuppi hoe hikmat ko talash kar laina hamein ous moamlay mein mayoos honay sy bachata hy or isi chuppi hoe bhalai ya behtari ka ihsas honay ke wajah sy hamara Allah par yaqeen mazboot hony lagta hy or ham mayousi sy jaldi nikalnay lagtay hein.

4. Bazahir koe aisa moamla jis ke wajah sy ham shikwa shikayat ka shikar ho jatay hein, is step mein aisay he kisi bhe moamlay mein Allah ke hikmat ko samjh kar Allah k shukar k ihsas dil mein baidar honay lagtay hein jo hamein sikway shikayat karnay sy bacha laita hy.

5. Jab kisi Ouljhy hoay maomlay mein parrt dar parrt Allah ke chupi hoe behtari ya bhalai ko ham talash kartay hein tou Allah ke aashnai k parday bhe parrt dar parrt outhnay lagtay hein or is tara Allah sy hamari qurbat barhti chali jati hy.

6. Jab kisi bhe moamlay mein ham apnay taor par khud he mazloomiyat ka shikar ho jatay hein or Allah k hamary leay piar or Os k sath ko miss karnay lagtay hein tou os waqt os moamlay mein jab ham chuppi hoe koe bhe behtari ya bhalai talash kartay hein tou hamein maloom hota hy k Allah tou hamaray dil mein Apnay mojoud honay ka ihsas or Apnay sath honay ka ihsas baidar karna chahta tha k Allah k siwa kisi ke tarf na tou daikhein or na he Oss k siwa kisi ko apna sahara samjhein.
Is ihsas ka dil mein outarna Allah sy hamari qurbat ko barhanay mein madadgar sabit hota hy.
Dil sy dua