Alert 70
*Batil or Ataoun K Faislay*
Haq k safar mein Haq Walon sy Wabastgi Ataoun ka Waseela banti hy.
Ata tou Ata karnay Walon ka karam hy or oss mein lenay walay koe bhe kabhe bhe or kisi maqaam ke atta ka bhe apne zaati koshish sy haqdar nahi ho sakta.
Magar yahan par bhe batil haq k rahi ko phannsanay sy baaz nahi ata. Agar ye ata kisi bhe tara sy kisi soorat mein ham parr ho tou ham beshuk dill o jan sy qabool kartay hein or zabani bhe kehtay hein k ham is ata k qabil har gizz har gizz nai bus karam ke nazar k sadqay ham par ata kar deya…
Magar doosri he taraf agar yehi ata kisi or par ho rahi ho tou ham foran osay judge karnay lagtay hein or alnay paimano mein naapnay tolnay lagtay hein k akhir falan par falan ata kion kaisay or kis buniyad parr ho gaye jab k wo tou hamari soch k moutabiq os ata k laiq kisi surat bhe nai hy….
Yahan ham apne bari k waqt k ata k qanoon ko bhool jatay hein k ata tou denay walay ka karam hy jaisay ham par haqdar na hotay hoay bhe koe ata ho sakti hy tou isi tara kisi or ko bhe os ata k laiq ya haqdar na honay k ba wajood bhe osay ata ho sakti hy.
Is leay jab kabhi bhe kisi par ata hotay dekhein tou wahan tangg nazri or tang dilli ka muzahira na karen kion k asal mein jab ham kisi ko bhe kisi ata k laiq na samjh kar dil he dil mein ya zabani kalami aitraz kartay hein tou asal mein ham oss shakhs ke ehliyat qabilyat ya ata par aitraz nahi balkay Ata Karnay Walay Lajpal par aitraz ke gustakhi k murtakib hotay hein.
Doosri taraf is aitraz ka andar outhna Os Lajpall par dil k eman ke kami ko bhe zahir karta hy… Kion ke dil k eman or yakeen ke mazbooti he har faisla ke qabooliyat ka zaban sy iqrar or dil sy tasdeeq karwati hy.
Lehaza apni danista ya na danista taor par is sar zadd hoe is gustakhi parr nadim o sharminda hon or qabool karen k Ata ka Faisla Lajpall k hath hy jis parr dil o zaban k aitraz ke gunjaish kisi bhe taor nahi banti.
Ye batil hy jo hamein is gustakhi par majboor karta hy. Agar ham khulay dill sy har aik par hoti ata k faislay ko qabool karen tou yehi dil ke wusat khud hamaray leay bhe karam ke nazar or ata ke raah kholti hy.
Yahan par Ata k har faislay par Amanna o Sidiqna kahein or batil k mounh kaala karen.

Haq Ka Allam Buland Rakhna 