*Batil Alert 76*
*Haq ka Input-Haq ka Output*

Haq ke Rah ka safar zat sy azadi ka safar hy. Jaisay jaisay khud ko khalis kartay hein haq ka safar aagay barhta chala jata hy.

Jab ham khud bhe haq ke raah par chal rahay hon or aagay bhe kisi ko haq ke raah dikhanay ka farz sar anjam de rahay hon tou yahan intehai muhtat rehna hota hy k ham apnay sath chalnay walay haq k rahi ko…
*Haq ka Input*… yani Apna piar, tawjou, power, apnay sath or qurb… ke soorat mein den tou osk badlay mein sirf or sirf *Haq ka Output* yani Osk andar ka mussbat badlaao, Allah k ihsas e Ashnai k barhnay, Allah par yakeen etc etc ke soorat mein he wasool karen oss sy kisi qism ka zaati faida na uthayen.

Batil Haq k Rahi Ustad ko is tara sy gherta hy k Ustad apnay deye gaye *Haq k Input* k badlay mein apnay sath chalnay walay Haq k Rahi Shagird sy zaati faida uthanay ya zati taskeen k chakar mein phans jata hy.
Ye zaati faida zaroori nai k kisi maadi soorat mein he ho. Balkay ye zaati taskeen Ustad ko Haq k Rahi shagird sy milnay walay piar, tawajou, kheyal rakhnay ke soorat mein bhe milti hy tou batil is zati taskeen k harrbay ko hathiyar bana kar Ustad ka dehan ya focus is pehloo par nahi rehnay deta k aya Haq k Input k badlay mein Haq k Rahi shagird k andar kisi qism ka badlaao Allah k Ihsas e Ashnai k hawalay sy bhe aa raha hy ya nai.
Ustad apnay shagird sy milnay wali tawajou mein apni zaati taskeen pata hy tou batil ossko ye sochnay ke taraf bhe mayel nai honay deta k…
Oss ka zati taskeen mein youn phanssna Haq ke rah py osk khalis pann k safar ko gher mehsoos tareeqay sy muttasir kar raha hy or ye na khalis pann osk safar k leay khatray ke ghanti hy.

Yahan muhtat rahein…
K..
Haq ka Input de k sirf or sirf Haq ka Output he wasool paya jaye.
Yani hamara os haq k raahi k sath koe zaati talouq aisay na ban jaye jis ke wajah sy ham os k sath one to one ho k chalnay lagen or os sy Haq ka Output wasool na kar k apnay safar ko bhe mutasir karen or apnay farz sy bhe kotahi barten jo Allah ny hamein apnay bandon ko Haq ke rah dikhanay ke soorat mein sonpi hy.

Yahan zaroori hy k…
Ustad jitna Haq ka inutput de tou sath sath janchta rahey k is k badlay mein os k sath chalnay wala Haq ka rahi Haq ka Output kis soorat mein or kitna de raha hy. Kia Allah ka ihsas e ashnai osk ihsas, soch, amal, mamoolat or moamlat mein Allah k ihkam k moutabiq tabdeeli la raha hy.
Agar aisa ho tou yehi darust hoga doosri soorat mein kisi qism ka Haq ka Output wasool na honay k bawajood Ustad ka apnay Haq k Rahi ko Piar, tawajou, power sirf is leay detay chalay janay k ossay Haq k Rahi ka badlay mein mila hoa piar, tawajou zati taskeen de raha ho…theek nai. Kion k yahan azmaish apnay Haq k Allam.ke Sarbulandi k Mission mein khud ko khalis rakh k apna safar bhe aagay barhana hy or apnay sath walon ka bhe.

Kheyal rahay…!
Kisi bhe Haq k Raahi ka Haq ka safar aagay barhta hy tou batil pech o taab khata haq k raahi ko kisi na kisi tara sy zaat k jaal mein phansata hy.
Batil ke is chaal ko bhe pehchan len or Haq k Input k badlay sirf or sirf Haq ka Output wasool kar k baatil k mounh par aisa zordaar thappar raseed karen k wo khoon thoknay par majboor jo jaye or isko daobara jurrat na ho k ye kisi Haq k Rahi ka rasta rokay.

Haq k Allam Buland Rakhna?