Ayadat e Mareez Sy Mutaliq Aadaab E Sunnat 

* Mareez ke ayadat swab ka kaam hy
Piary Aaqa S.A.WW jab kisi mareez k ghar tashreef ly jaty tou bimar ke paishani or nabz par haath rakhty or phir pait or seeny par hath phairty or Aap S.A.WW mareez sy farmaty k fikar ke koe baat nai yeh bimari gunahon ka kuffara hy or tahoor ban jaye ga.
Aap S.A.WW farmaty, mareez kuch khany ko maangy tou ousy do bashart yeh k ous k leay muzir na ho.

* Aap S.A.WW teen baar mareez k leay dua frmaty.

*Mareez k pass baith kar ous k sath dil khush krny wali batein karni chahiein.

* Mareez k pass kam baithna or shor na krna sunnat hy.

* Mareez ke ayadat k leay koe din ya waqt sunnat mein muqarar nai hy.

* Hazrat Anis r.a sy riwayat hy k Aap S.A.WW ny farmaya
“Jis shakhs ny achi tarah wazoo keya or mareez ke ayadat ke tou ousy dozakh sy 60 bars ke musafat ke douri par rakha jata hy”.

---

 Ayadat e Mareez Sy Mutaliq Aap S.A.WW Ke Chand Ahadees E Mubarika

Hazrat Soban r.a sy riwayt hy k Aap S.A.WW ny farmaya,
“Musalman jo apny mareez bhai ke ayadat krta hy wo jannat ke maiva khori mein masroof yahan tak k wo wapis na aa jaye”.
Hazrat Umer r.a famaty hein k Aap S.A.WW ny farmaya k,
“Tum kisi mareeze ke ayadat k leay jao tou wo tumhary leay dua kry kion k ous ke dua frishton ke dua ke tarah hoti hy”.
Hazrat Abu Saeed r.a sy riwayat hy k Aap S.A.WW ny farmaya k,
“Jab tum kisi mareez k pass jao tou ous ke umer k bary mein ous ka dil ko khush kro (yani zindagi k bary mein umeed ke batein) is tarah ke batein kisi hony wali cheeze ko rad tou nai kar sakteein lakin ous sy ous ka dil khush ho jaye ga or yehi ibadat ka maqsad hy”.

---

 Ghar Mein dakhil Hony Ya Nikalny k Silsila Mein Aap S.A.WW Ke Ahadees E Mubarika

Hazrat Jabir r.a sy marvi hy k Aap S.A.WW ny farmaya k,
“ja tum apny ghar mein dakhil ho tou ehl e khana ko salam kro jab tum salam kro gy tou shaitaan tumhary ghar mein dakhil na ho ga”
Abu Malik Ash’ari sy riwayat hy k Aap S.A.WW jab ghar mein dakhil hoty tou yeh dua parhty or phir salam farmaty.
AALAHUMA INI AS’ALUKA KHIRAL MOLAJA WA KHAIRAL MAKHRAJA BISMILLAHE WA LAJNA WA BISMILLAHE KHARAJNA WA ALAL’LAHI RABANA TWAKALNA.

TARJUMA…
Aey Allah achy dakhly or achy nikalny ka swal krta hon Allah k naam sy dakhil hona or nikalna hy.
Hazrat Abu Huraira r.a sy marvi hy k Aap S.A.WW ny farmaya k,
“Jo shakha kisi ghair k ghar bina ijazat k jhanky wo ous ke aankh phour dy tou na badla hy na jurmana”

---

Ghar Mein dakhil Hony Ya Nikalny k Masnoon Aadaab

1* Apny ya kisi k ghar mein aaty jaty hoay salam krna.

2* Salam kar k ghar .ein dakhil hona ghar ke bhalia mein izafa karta hy.

3* Apny ghar sy nikalty hoay aaytul kursi, sorat kafiroon or sorat Naas parhna.

4* Ghar sy nikalty hoay yeh dua krna.
Tarjuma..
“Allah k naam sy, Allah ke tarf sy taqat o quwat hy Allah k bharosy par”
Hazrat Abu Huraira r.a sy riwayat hy k Aap S.A.WW ny famaya k
“Ja aadmi ghar k darwazy sy bahir nikalta hy tou k sath do frishty hoty hein jab aadmi kehta hy bismillah tou ous k sath frishty kehty hein tou ny seedhi rah ikhtiyar kr li jab kehta hy LA HOLA WA LA QUWATA ILA BIL’LA tou frishty kehty hein k ab tum har aaft st mehfooz ho or jab insan kehta hy TWAKALTU ILAL’LAHI tou frishty kehty hein ab tumy kis or madad ke zaroorat nai, isk baad do shaitaan jo ousi aadmi par musalt hoty hein frishty oun sy kehty hein ab tum is aadmi k sath keya krna chahty ho is ny seedha raasta ikhtiyar keya hy tamam aafton sy mehfooz ho geya hy or Allah ke madad k ilawa kisi ke madad ke zaroorat nai”

5* Kisi k ghar jaty hoay tohfa ly jana sunnat hy.

6* kisi k ghar k amour mein mudakhlat na krain.
End

---

---

EXERCISE QUESTIONS

MCQ’s  /5

1. Ghar sy nikalty hoay dua parhny sy insan mehfooz rehta hy….
a. chori sy
b. bimari sy
c. aafton sy

2. Kisi k ghar jaty hoay saath ly jana chahiye
a. Tohfa
b. khana
c. kapry

3. Mareez ko khush karny knleay ousk sath baat karni chahiye
a. Umer ke
b. sehat ke
c. dwaaie ke

4. Mareez khany ko jo maangy ousy dy dain lain wo ous k leay
a. thanda na ho
b. muzir na ho
c. khata na ho

5. Mareez k leay dua karna sunnat hy
a. 5 baar
b. 4 baar
c. 3 baar

Fill in the Blanks  /5

1. Bila ijazat dousron k gharon mein jhankny par aanjh phor dainy par ______ nai
2. _____ kr k ghar mein dakhil hona ghar ke _____ mein izafa krta hy.
3. Bimari gunahon ka _____ hy.
4. Har insan k sath do ______ or _____ hoty hein.
5. Mareez ke dua _____\_ ke dua ke tarah hoti hy.

True / False /5

1. Ba wazoo ayadat krny waly ko dozakh sy mehfooz rakha jaey ga.
2. Salam krny sy shaitaan ghar mein dakhil nai hota.
3. Mareez ke ayadat makhsoos ouqaat mein karna sunnat hy.
4. Dousron k gharailo amour mein mudakhlat karna baes gunah hy.
5. Apny ghar mein dakhil hoty hoay salam krna zaroori nai.

Short Answer Questions /15

1. Piary Aaqa S..A.WW mareez ke ayadat kis tarah farmaty mukhtsiran biyan krain.
2. Ayadat e mareez k koe sy do adaab btaein.
3. Apny ghar sy nikalty hoay kia parhna chahiye?
4. Ghar sy nikalty hoay dua parhny kr kia ehmiyat hy?
5. Mareez ke ayadat or ghar sy nikalny or dakhil hony k adaab mein sy aap ko kin baton ka pehly sy ilm nai tha??

---

ANSWER SHEET

MCQ’s

1. (c)
2. (a)
3. (a)
4. (b)
5. (c)

Fill in the Blanks

1. Badla
2. Salam / Bhalaai
3. Kuffara
4. Frishty / Shaitaan
5.Frishty

True/False

1. ✔
2. ✔
3. ✖
4. ✔
5. ✖

Short Answer Questions

1. Aap S.A.WW mareez ke paishani or nabz par hath ralhty phir ous k pait or seeny or hath phairty ous k leay dua farmty or farmaty k yeh bimari gunahon ka kuffara hy.

2. yeh sub ka jwab apna apna ho ga.

3. Tarjuma….
Ay Allah achy dakhily or nikalny ka swal krta hon, Allah k naam sy nikalna or dakhil hona hy.

4. Ghar sy dua parh kar nikalny waly k sath dou frishty laga deay jaty hein jo aafton sy ous ke hifazat karty hein or ous ko Allah k siwa kisi ke madad ke zaroorat nai rehti.

5. Yeh har aik ka apna jawab ho ga

---