Piary Aaqa S.A.WW K Naalain Mubarik Ka Biyan
*Hazrat Qitada ny kaha k main ny Hazrat Anis r.a sy poucha k Aap S.A.WW ka na’al mubarik kaisa tha tou farmayak har aik mein dou tasmy thy.
* Piary Aaqa S.A.WW ka chapal mubarik airhee numa hota tha
*Aap S.A.WW k na’al mubarilk ka agla hissa misal zaban k golaai leay hoay hota tha.
Yazeed bin zayad sy riwayat hy k main ny Aap S.A.WW k na’al mubarik ko daikha jo zara bareeki leay airhee dar misal e zaban k tha.
* Aap S.A WW k nalain mubarik zard rang k thy.
Jouta O Chappal Pehn’nany Ka Masnoon Tareeqa
Hazrat Ibn e Abbas r.a sy marvi hy k Aap S.A.WW jab jouta ya chapal pehnty tou pehly daaein paoun mein pehnty or jab outarty tou pehly baaein paoun sy outarty.
Jouta ya Chappal pehn’nany K Chand Masnoon Aadaab
1* Jouty or chapal ka istamaal
2* Awlan daaein pair mein pehn’nana
3* Chamry ka chapal pehn’nana
4* Aik jouta ya chapal pehn kar na chalna
5* Baithty hoay jouta outar daina
6* Masjid mein qibla ke janib na rakhna
7* Outarty hoay pehly bayan jouta outarna
8* Masjid sy nikalty hoay aisi tarteeb ikhtiyar krna k pehly bayan paoun nikal kar apny jouty par rakhy or phir dayan paoun bahir nikal kr pehly dayan jouta pehny.
9* Jouta pehn’nany sy pehly jhaarrna chahiye.
10* Aourat or mard k jouty mein farq hota hy is leay mardon ko aourton k joton jaisay or aourton ko mardon k jouton jaisay nai pehn’nana chahiye.
11* Masjid ya mehfil mein ya kaheein jana ho tou beghair ijazat kisi ka jouta pehn’nana gunnah k zumry mein aata hy. kion k jouty k asal malik ko agar ousi waqt zaroorat par jaye tou wo samjhy ga k chori ho gay hein or wo nangy paoun chala jaye ga.
12* Aisy jouty pehn’nany sy mana farmaya gey hy jis sy takabur or gharoor ka izhar ho
13* Aisy jouty nai pehnain jis pr urdu k haroof likhy hon kion k is sy quran e pak k haroof e tahaji ke be adbi hoti hy khaw abu jehal ka naam he kion na ho.
14* Zard jouty pehn’nana acha hy.
Mola e kaainaat Hazrat Ali a.s ny farmaya k,
“Jo peely jouty pehnyvga ous ke fikrain dour hon gi”
Jouta O Chappal Sy Mutaliq Piary Aaqa S.A.WW K Uswa E Hasna Ka Biyan
* Jouta ya chappal khary ho kar ya baith kr pehn’nana ahadees sy dono tara sabit hy.
Hazrat Ayesha r.a ke riwayat hy k Aap S.A.WW khary ho kar or baith kr dono tarah sy jouta pehn laity thy.
Hazrat Abu Huraira r.a sy marvi hy k Aap S.A.WW ny farmaya k,
“Tum mein sy koe aik jouta ya aik chappal mein na chaly… dono outar dy ya dono pehan kar chaly”
*Nangy paoun chalna khilaaf e sunnat hy.
Hazrat Ayesha r.a sy marvi hy k Aap S A.WW ke aadat nangy paoun chalny ke na thee.
* Hazrat Abdullah Bin U.er r.a sy riwayat hy k
“Jouty or chappal bakasrat pehna kro jouta pehn’nany wala goya swar ke tarah hota hy”
* piary Aaqa S.A.WW tasma dar jouta pehn’nany ko pasand farmaty thy.
* Jouta or chapal apny hath sy gaanthna sunnat hy.
EXERCISE QUESTIONS
MCQ’s /5
1. Dousron k jouty pehn’nana….
a. jaaiz hy
b. gunnah hy
c. sunnat hy
2. Aap S.A.WW k jouty ka tala hota tha,
a. dohra
b. naram
c. kala
3. jouta pehn’nany sy pehly…
a. polish kar lain
b. jhaar lain
c. saaf kar lain
4. Piary Aaqa S.A.WW ny mana farmaya hy,
a. Baghair ijazat kisi ka jota pahenay sy
b. aik jouta pehan kar baithny sy
c. jouta outar kar baithny sy
5. masjid mei jouty na rakhein,
a. qibla rukh
b. apny saamny
c. apny peechy
Fill in the Blanks /5
1. Aap S.A.WW k nalain mubarik ____ rang k thy.
2. Aap ____ jouta pasand farmty thy.
3. jouta pehly ____ paoun mein pehnain.
4. zard jouty pehn’nany sy _____ dour hoti hein.
5. jouta pehn’nany wala ____ ke tarah hota hy.
True / False /5
1. chamry ka jouta pehn’nana khilaaf e sunnat hy.
2. Aap k nalain mubarik aireehi numa golaai waly hoty thy.
3. Aik jouta pehn kar chalna sunnat hy.
4. Mardon or aourton k jouton mein farq hota hy.
5. Aap S.A.WW nangy paoun bhe chala karty thy.
Short Answer Questions /15
1. Masjid sy nikalty hoay jouta kis tarteeb sy pehn’nany chahiyein?
2. Piary Aaqa S.A WW k nalain mubarik k bary biyan krain.
3. Jouta pehn’nanay ka masnoon tareeqa keya hy?
4. Zard jouty k bary mein Mola e kaainat Hazrat Ali a.s ka farman keya hy?
5. jouta pehn’nany k adaab sy mutaliq aap ko kin baton ka pehly sy ilm nai tha??
ANSWER SHEET
MCQ’s
1. (b)
2. (a)
3. (b)
4. (a)
5. (a)
Fill in the Blanks
1. zard
2. tasmadaar
3. daaein
4. fikrain
5. swar
True/False
1. ✖
2. ✔
3. ✖
4. ✔
5. ✖
Short Answer Questions
1. masjid sy nikalty hoay bayan paoun pehly bahir nikal kar jouty par rakh lain or phir dayan paoun nikal kar pehly dayan jouta pehnein or phir bayan.
2. Yeh har aik ka apna jawab ho ga.
3. jouta pehnty hoay pehly daaein papun mein pehnain or outarty hoay pehly baaein paoun sy outarain.
4. Aap a.s ny farmaya, jo peely jouty pehny ga ous ke fikrain dour hon gi”
5. Yeh har aik ka apna jawab ho ga.