Continued…
Msg 10
Nabuwat k panchwain saal mah e Rajab mein 11 mard or 4 aourton ny Habsha ke taraf hijrat ke jin mein Hazrat Usman r.a or Oun ke zoja mohtarma Hazrat Ruqiya r.a Bint E Rasool S.A.WW bhe shamil theein.
Muhajreen 3 maah Habsha mein aman sy rahy.
Shabaan k maheeny mein oun ko ghalat khabar pohanchai gi k Makkah k log emaan ly aaye hein is leay in mein sy aksar wapis Makkah chaly gy.
Quraish ny Habsha sy aany walon ko dousry musalmano sy ziada tang karna shuru kr deya is tarah nabuwat k chaty (6) saal 83 mard or 18 aourtein Habsha ke tarf hijrat kr gy.
Msg 11
Quraish ny Habsha k badshah nijashi ke khidmat mein tahaaif bheijy or Umro bin Al aas or Abdullah bin abi rabiya ko Habsha bheija.
Ouno ny kaha k chand nadaan loundon ny aik naya deen eijaad keya hy jo nasraniyat or bout parasti sy alag hy wo aap k pass panah guzeein hein aap oun ko hamary hawaly kr dain.
Nijashi ny mohajreein ko darbar mein talab keya,
Hazrat Jaffar Bin Abi Talib r.a ny Nijashi ko btaya…
Hum jahil qoum thy, bouton ko poujty thy, murdar khaty thy, badkariyan karty thy, apno sy dushmani rakhty thy, parosion sy bura salook karty thy, taqatwar kamzoron par zulm karty thy, Allah ny hum mein sy aik Rasool bheija jin k ousaaf sadaqat, amanat or parhaizgari thy.
Msg 12
Ous ny hum ko dawat de k aik Khuda ke ibadat krain, Oss k sath kisi ko shareek na thehrain, amanat ada keya krain, yateemon ka maal na khaein, or jo har qism ka gunah keya krty thy ous sy parhaiz krain.
Pas hum ous par emaan ly aaye or Allah ke ibadat krny lagy. Hamari qoum ny hum par zulm o sitam k pahar tory, tang aa kar hum aap k mulk mein aap ke panah mein aa gy.
Nijashi ny kaha tumhary paighamber par jo kalam outra hy ous mein sy kuch sounao…
Msg 13
Hazrat Jafar r.a ny sorat Maryam ke chand aayat parh k sounaein.
Nijashi itna roya k ous ke darhi aansoun sy tar ho gi. ous ny kaha yeh kalam or Injeel dono aik he hein.
Ous ny quraish sy kaha k tum wapis chaly jao Allah ke qasam main in ko tumhary hwaly nai kron ga.
jab quraish ny yeh daikha k Hazrat Hamza r.a or Hazrat Umer r.a jaisy log bhe islam laa chuky hein or Nijashi ny bhe musalmano ko panah dy di hy tou ouno ny Aap S.A.WW ko qatal krny ka mansooba banaya.
Abu Talib r.a ko yeh khabar pohanchi tou wo Banu Hashim or Banu Mutlib ko jama kr k Aap S.A.WW ko sub ke marzi k mutabiq hifazat k leay aik dar’ry mein ly gy.
Hashim o Mutilb ke oulaad ny Aap S.A.WW ko apni panah mein ly leya siwaye abu lahab k….
Msg 14
Quraish ny kaha Banu Hashim or Banu Mutlib sy lain dain mouqoof kr dain or qata ta’aluq kar lain gy tou yeh log tang aa kar Aap S.A.WW ko hamary hwaly kr dain gy.
Ouno ny moahida likh kar deewar sy latka deya.
Bahir sy jo ghala aata wo khud khareed laity or musalmano tak na pohanchny daity.
or agar koe apny musalman rishty daar ko anaaj bheijta tou yeh ous tak na pohanchny daity.
Banu Hashim Shoub e Abi Talib mein tarah tarah ke takleefein outhaty rahy.
Hazrat Abu Talib r.a hifazat ke gharz sy Aap S.A.WW ko apny bistar par lita ka Aap S.A.WW ke jagah apny kisi bhai ya baity ko lita daity.
Msg 15
Teen saal isi halat mein guzar gy.
Allah ny Aap S.A.WW ko khabar di k moahidy ko deemak chat gi hy sirf Allah ka naam baqi hy.
Hazrat Abu Talib r.a ny quraish ko kaha k mery bhateejy ny khabar di hy k moahidy ko deemak ny chaat leya hy sirf Allah ka naam baqi hy. Tum apna moahida laao agar yeh khabar sahee nikli tou tum qata ta’aluq sy baaz aa jao, agar ghalat nikli tou apny bhateejy ko tumhary hwaly kar doun ga.
Quraish razi ho gy jab moahida daikha tou waisa he paya jaisa Aap S.A.WW ny famaya.
Kuch behas mubahisy k baad quraish k sardar ous ko pharny par aamada ho gy.
Msg 16
10 nabuwat ko Ramzan k maheeny mein Hazrat Abu Talib r.a ny wafaat paaei, ous k kuch arsa baad Hazrat Khadija r.a bhe wafaat paa gaein.
Ab quraish or ziada zulm o sitam karny lagy.
Tang aa kar Aap S.A.WW ny Taaif jany or oun ko Allah ka paigham dainy ka socha…
Taaif ja kar masood bin habib or ous k bhai ko jo wahan k sardar thay dawat e islam di lakin wo Aap S.A.WW k sath bohat buri tarah paish aaye.
Aap S.A WW mayous ho kar wapis aany lagy tou kuch shareer log Aap S.A.WW k peechy laga deay jo Aap S.A.WW ko pathar maarny lagy, Aap S.A.WW k naalain mubarik khoon sy bhar gy.
Aap S.A.WW Utba or sheeba k bagh mein aik angoor ke bail k saaye mein baith gy.
Msg 17
Utba or sheeba Aap S.A.WW k bohat bary dushma thy magar is halat mein oun ko bhe Aap S.A.WW par reham aa geya.
Ouno ny apny ghulam Adaas sy kaha angoor ka khousha thaal mein rakh kar ly jao.
Aap S.A.WW ny Bismillah parh kar khaya, Adaas khairaan hoa k yahan log aisa nai kehty.
Aap S.A.WW ny poucha k kahan sy ho??
Adaas ny kaha Nainawa sy.
Aap S.A.WW ny farmaya,
wo tou Hazrat Younas a.s ka shehar hy.
Aap S.A.WW ny famaya k wo bhe meri tarah paighambr thy.
yeh soun kar Adaas Aap S.A.WW k hath paoun choumny laga or islam ly aaya.
Is halat mein Allah ny paharon k frishty ko bheija ous ny salam k baad Aap S.A.WW sy arz keya k,
Main paharon ka frishta hon Aap S.A.WW k Rab ny Aap S.A.WW k leay bheija hy agar Aap S.A.WW chahein tou in dou paharon ko oun par ulat doun?
Aap S.A.WW ny farmaya nai,
phir Aap S.A.WW ny Taaif walon k leay dua ke or farmaya…
Msg 18
Umeed hy k Allah in ke pushton sy apny bandy paida kry ga jo sirf Allah ke ibadat krain gy or Oss k sath kisi ko shareek na thehrain gy.
Har saal Hajj k mouqa par bohat bara maila lagta tha jo zilhaj ke pehli tareekh sy 8 tareekh tak lagta tha is k baad log hajj k leay nikalty.
11 Nabuwat ko qabila Hizraj k 6 aadmion ny Uqba k nazdeek islam qabool keya, yeh log Madeena shareef sy thy.
Madeena mein aa kar 2 qabeely aabad hoay oun k haleef yahoud thy.
Msg 19
Oun k logon ny Madeena ja kar Aap S.A.WW k Nabi hony ka zikar keya tou Madeena sy Aous or Khizraj k logon ny kaha k,
Wallah yeh tou wohi hein jin k bary mein yahoud btaya krty thy k aik paighambr anqareeb mab’ous hony wala hy kaheein yahoud hum sy sabqat na ly jaein is leay wo Aap S.A.WW par emaan ly aaye or apny bhai bandon ko bhe Aap S.A.WW par emaan laany ke dawat de.
Msg 20
Agly saal hajj k mouqa par 12 mardon ny Uqba k maqam par islam qabool kar leya.
Aap S.A.WW ny oun k sath Hazrat Masab bin Umair r.a ko islam ke taleem dainy ke gharz sy bheija.
Qabeely k sardar Saad Bin Maaz or oun k bhai emaan ly aaye tou oun ka sara qabeela musalman ho geya.
Nabuwat k 13wain saal hajj k mouqa par 73 mard or 2 aourtein Aap S.A.WW ke hidmat mein hazir hoay or islam qabool kar leya is bait ko Bait E Aqba Sania kehty hein.
EXERCISE QUESTIONS
MCQ’s /5
1. Nabuwat k chaty (6) saal hijrat ke,
a.11 mard 4 aourton ny
b. 83 mard or 18 aourton ny
c. 73 mard or 2 aourton ny
2. Hazrat Jaffar r.a ny ayaat tilawat keein,
a. sorat Maryam ke
b. sorat Bani israeel ke
c. sorat Al baqra ke
3. Banu Hashim or Banu Mutlib ke wafaat k baad Aap S.A.WW tashreef ly gy,
a. Habsha
b. Madeena
c. Taaif
4. Hazrat Jaffar r.a apni taqreer mein kaha hum islam sy qabal,
a. murdar khaty thy
b. badkariyan karty thy
c. dono
5. Banu Hashim or Banu Mutlib ny Aap S.A.WW ko apni panah mein ly leya siwaye,
a. Abu jehal k
b. Abu lahab k
c. Abu talib k
Fill in the blanks /5
1. Nabuwat k ___ saal ___ mein kuch musalmano ny Habsha ke taraf hijrt ke.
2. Aap S.A.WW ko hifazat ke gharz sy aik ___ mein ly gy
3. Banu Hashim ___ mein takleefain bardasht karty rahy.
4. Moahidy ko ___ chat gi.
5. Qabeela __ k 6 aadmion ny islam qabool kar leya.
True / False /5
1. Hijrat e Habsha mein Hazrat Usman r.a or Oun ke zoja mohtarma bhe shamil theein.
2. Utbah or sheeba Aap S.A.WW k sathion mein sy thy.
3. Quraish ny Banu Hashim or Banu Mutlib sy qata ta’aluq kar leya.
4. Nijashi ny musalmano ko quraish k hwaly karny sy inkar kar deya.
5. Qabeela Aous or Khizraj k log Aap S A WW par emaan ly aaye.
Short Question / Answers /15
1. Nabuwat k 13 waein saal kitny logon ny islam qabool keya or is bait ko kia kehty hein?
2. Umro Bin Al Aas or Abdullah Bin Abi ny Nijashi sy ja kar keya kaha?
3. Nijashi ny Hazrat Jaffar r.a ke batein soun kar keya kaha?
4. Moahidy sy mutaliq Allah ny Aap S.A.WW ko keya khabar de?
5. Aap S.A.WW ny taaif walon k leay keya dua farmaei?
End
ANSWER SHEET
MCQ’s /5
1. (b)
2. (a)
3. (c)
4. (c)
5. (b)
Fill in the blanks /5
1. 5wain saal / Maah e rajab
2. dar’ry
3. shoub e abi talib
4. deemak
5. khizraj
True / False
1. ✔
2. ✖
3. ✖
4. ✔
5. ✔
Short Answers
A1. 73 mard or 2 aourton ny hajj k mouqa par islam qabool kar leya is bait ko bait e Uqba Sania kehty hein.
A2. Ouno ny kaha k chand nadaan loundon ny aik naya deen eijaad keya hy jo nasraniyat or bout parasti sy alag hy wo aap k pass panah guzeein hein aap oun ko hamary hwaly kr dain.
A3. Nijashi ny quraish sy kaha k tum wapia chaly jao,
Allah ke qasam main in ko tumhary hwaly nai kron ga.
A4. Allah ny Aap S.A.WW ko khabar di k moahidy ko deemak chat gi hy sirf Allah ka naam baqi hy.
A5. Aap S.AWW ny dua farmaei k,
“Umeed hy k Allah in ke pushton sy apny bandy paida kry ga jo sirf Allah ke ibadat krain gy or Oss k sath kisi ko shareek na thehrain gy”
End